IMAK-ilu isumaqatigiinniarnerit nammassisut

IMAK aammalu Namminersorlutit Oqartussat ullumikkut akissarsianut atugassarititaasunullu isumaqatigiissutit pillugit nutaamik isumaqatigiissuteqarput ukiunut sisamanut atuuttussanik.

Isumaqatigiinniarnerit angusaqarfiusumik ataqqinnissuseqartumillu ingerlanneqarput. Illua`tungeriit atugassarititaasunut isumaqatigiissutit 31. marts 2014 atuukkunnaartinnagit isumaqatigiissuteqarnertik iluarisimaarpaat, angusarineqartullu atsioqatigiissutigalugit.

Isumaqatigiiniarnerit ingerlanneqarput aallaaviusumik sinaakkusiussap 3,50 %-sup iluani, taassumalu avataatigut aningaasanik ilisisoqarpoq, atuarfinni aqutsisuusut aningaasarsiaasa qaffassutigisaannik. Tamatumani siunertaavoq aqutsisuulluarsinnaasunut aqutsisuunissap kajuminnarnerulersinnissaa nunatsinnilu atuarfeqarfiit ataatsimut isigalugit pitsaanerulersinnissaat. Tamakkiisumik angusat 4,63%-mik sinaakkuteqarput.

Angusarineqartut sulisitsisuniit massakkut inaarutaasumik akuerineqassapput, taamatullu aamma IMAKip ilaasortaanit taasisitissutigineqassallutik.

 

Nuuk den 20. marts 2014

 

André Guttesen                                                                                  Sivso Dorph
Forhandlingsleder                                                                               Formand for IMAK