Aasiaat GU aallartinneqarpoq

Nybygning GU Aasiaat

Ineqarnermut Naalakkersuisup Siverth K. Heilmann-ip nuannaarutigaa, Aasiaanni ilinniarnertuunngorniarfiup iluarsaanneqarnissaa allilerneqarnissaalu, tnt nuuk illussanik titartaasarfik a/s-imit titartarneqarsimasoq maanna isumaqatigiissuteqarfigineqarsimalermat suliassarlu aallartinneqarluni. KJ Greenland A/S Ilulissaneersoq sanasuuvoq.

Ilinniarnertuunngorniarfiup allissutissaa 2.000 m2-t missaaniippoq. Init ilinniartitsiviusut aqqanillit, init ataatsimoorluni suliaqartarfiit arfineq marluk, ini tusagassiornermut atortunik atuiffiusoq ataaseq, kiisalu ini nipilersornermik ilinniartitsivik marluinngorsinnaasoq tassani sananeqassapput. Init tamarmik torsuusamut qitiusumut, marloriaammik portussusilimmut, majuartarfeqarfinnut ammaannartumut inissinneqassapput.

Tamatuma saniatigut ilinniarnertuunngorniarfiup illutaa pioreersoq, 2.850 m2-nik angissuseqartoq oqorsarneqassaaq aammalu 150 m2-t missaanniittumik allineqassalluni.

Allanngortiterinermi allaffeqarfiit katersorneqassapput, ilinniartitsisut inaat perorsaanermut sammisaqartitsivilik ilinniartitsisunullu piareersartarfilik anginerulissaaq, ini kemimut ilinniartitsivik piareersartarfimmik initalik annerulissaaq, aammalu ini pinngortitamut/teknikimut ilinniartitsivik nutaaq kiisalu kantiinap igaffia nutaaq sananeqassapput. Illup allineqarnerani ini katersuuttarfik angisooq, atuakkanik atorniartarfeqarfimmut isersimaartarfinnullu allanut ammaannartoq pilersinneqassaaq.

Taakku saniatigut ilinniarnertuunngorniarfimmut ilassut nutaaq 2.000 m2-t missaanniittoq sananeqassaaq. Init ilinniartitsiviusut aqqanillit, init ataatsimoorluni suliaqartarfiit arfineq marluk, ini tusagassiornermut atortunik atuiffiusoq ataaseq, kiisalu ini nipilersornermik ilinniartitsivik marluinngorsinnaasoq tassani sananeqassapput. Init tamarmik torsuusamut qitiusumut, marloriaammik portussusilimmut, majuartarfeqarfinnut ammaannartumut inissinneqassapput.

Ilassut nutaaq torsuusaq kiassagaq perusuersartarfilik ilinniartunullu kioskilik matoqqasoq atorlugu ilinniarfimmut pioreersumut atassuserneqassaaq.

Sanaartornermut atatillugu pitsaassutsimik qaffassaaniarluni pitsaassutsimik aqutsissut digitaliusoq, web aqqutigalugu ingerlanneqartoq atorneqassaaq.

- Ineqarnermut Naalakkersuisup Siverth K Heilmann-ip sanaartukkat pitsaasuunissaannik aallussinerup nukittortinneqarnissaa qilanaaraa. Sanaartugaatitta pitsaassutsimikkut qaffasissorujussuunissaat, taamaalillutalu nunatsinni pigisatta nalillit pigiinnarnissaat pingaaruteqartorujussuuvoq, Ineqarnermut Naalakkersuisoq Siverth K. Heilmann oqarpoq.

Aasianni GU-p allilerneqarnerata kingorna illut katillugit 4.850 m²-nik annertussuseqalissapput, pilersaarutillu malillugit ilinniarnertuunngorniarfik 2015-ip naanerani naammassissaaq.

Administration  Aula 2 
Basisklasse Grupperum
Læreværelse Nybygning