Akuersissutinik tunniussisarneq avaleraasartoorniarnerlu

Finn Karlsen pressemøde Aalisarnermut, Piniarnermut Nunalerinermullu Naalakkersuisoq, Finn Karlsen, tusagassiortunik ullumi katersortitsivoq.

Naalakkersuisuni ilaasortaq tusagassiortunik katersortitseqqaarnermini marlunnik qulequtaqartitsivoq, tassaallutik aalisarsinnaanermut akuersissutit aalisarnermullu inatsit.
Qulequttat assigiinngitsunik imaqarput.

Umiatsiaaqqanut akuerissutit ukiuni marlunni atuutsinneqartarnissaat, umiatsiaaqqamut akuersissut ataasinnaasariaqartoq, kiisalu avannaanni inuusuttut qaleralinniarsinnaanermut immikkut akuerineqarsinnaasariaqartut oqariartuutigivaai.

Aalisarnermut, Piniarnermut Nunalerinermullu Naalakkersuisup katersortitsinermi najuuttunut avaleraasartuunik misileraalluni 100.000 tonsinik aalisarnissaq ilaatigut oqaluttuaraa.

- Aalisarneq tunngavigalugu ingerlatsiviit ikinnerpaamik 30-it avaleraasartuunik aalisassallutik qinnuteqarput. Qinnuteqaateqartunit siumut annertussusilereerlugu pisassanik qinnuteqaateqartunit taakkua avaleraasartuut katillugit 340.000 tonsinik ikinnerunngitsut aalisassallugit qinnutigivaat, Finn Karlsen oqarpoq, ilisimatitsissutigalugulu