Pisortaq nutaaq

Else Poulsen nuna tamakkerlugu ilitsersuisarfimmi pilersinneqaqqammersumi pisortatut atorfinitsinneqarpoq.

Else Poulsen Århusip Universitetiani psykologitut ilinniarnikuuvoq Kujataanilu Ilinniarnertuunngorniarfimmi Qaqortumiittumi rektoriulluni. Else Poulsen psykologitut rektoritullu sulinermini ilinniartitaanermut tunngasunik annertuumik ilisimasaqalernikuuvoq, ilinniagaqartunut inuussutissarsiornermillu ilitsersuisarnermik kiisalu tarnip pissusaanik inuttullu atukkanik siunnersuisarnermik suliaqarnikuulluni.

Nuna tamakkerlugu siunnersuisarfimmi siunertaavoq Kalaallit Nunaanni ilitsersuisarnerup ineriartortinneqarnissaa pitsaassusaatalu qulakkeerneqarnissai, tunngaviusumik ilinniarnernik ingerlaqqillunilu ilinniarnernik ilitsersuisarnermik neqerooruteqartarneq kiisalu ilinniartunut tamanut innuttaasunullu Piareersarfinni ilinniartunut nuna tamakkerlugu inuttut atukkatigut tarnillu pissusaatigut siunnersarnermik pilersitsineq ingerlatsinerlu.

Annertunerusumik paasisaqarusukkuit attaveqarfigiuk Naja Lyberth-Klausen, tlf.: 346918