Suliassat isumagineqartarnerannut inatsisissaq

Suliassat isumagineqartarnerannut tunngatillugu Eqqartuussisarnermi inatsisissap allanngortinneqarneranut tunngatillugu isumaqatigiinnginneq.

Nunatsinni eqqartuussiveqarnermi pisortap Søren Søndergaard-ip Inatsiseqarnermut ministeriap allannguititsiniarnera isumaqatiginngilaa. Tamatumani pineqarluni inuit akornanni saqittaattarnerit sinerissami eqqartuussivinni suliarineqartarunnaarlugit Nunatta Eqqartuussiviani suliarineqartalernissaanut siunnersuutigineqarsimammat. Tamatumunnga tunngatillugu Naalakkersuisuni ilaasortap Martha Lund Olsen-ip Nunatsinni Eqqartuussisarnermi siunnersuisoqatigiit siulittaasuannik Per Walsøe-mik ataatsimeqqatiginnissimavoq. Tamatumani Naalakkersuisuni ilaasortap Martha Lund Olsen-ip aammalu Per Walsøe-p inatsiseqarnermut ministeriaqarfiup innersuussutigisaa isumaqatigalugu matumuuna oqariartuuteqarput.
Naalakkersuisuni ilaasortaq imatut oqariartuuteqarpoq:

”Toqqissisimanarnavianngilaq innuttaasut nunatsinni eqqartuussivinni suliarinnittarnernut tunngatillugu assigiimmik pineqartassanngippata. Taamatummi pisoqariaannaassinnaassammat sinerissami eqqartuussisut kisiat sulianik tamakkuninnga aalajangiisinneqartalissagaluarpata. Tas-sami massakkutuut suliassat siullermeerneqarneranni sinerissami eqqartuussiviit su-liassat pineqartut suliarisarmatigit, imaluunniit nunatsinni eqqartuussiviup suliassat siullermeerneqarneranni suliarisassappatigit. Taamatummi aaqqiisoqassagaluarpat in-nuttaasut sullinneqarneranni assigiinngitsunik aalajangiisoqartarsinnaanissaa ili-manaateqarsinnaassaaq. Imatut paasillugu, sinerissami eqqartuussiviit ataasiakkaat assigiinngisitaartumik isummerfigisassagunikkit, tassami pissusiviusut aamma imaam-mata sinerissami eqqartuussivinni suliassat inatsisilerituutut sullissivinnit illersuisulerlutik suliffeqarfiit assigiinngitsut suliaqartitsisarmata. Pissutsillu tamakku ilimanaatigisin-naavaat, ilumut innuttaasut assigiiaartumik pineqartarnerat innarlerneqarsinnaasassa-soq.”

Sukumiinerusumik paasisaqarusukkussi departementchef Susie Marthin Kjeldsen paasiniaaffigigineqarsinnaavoq, oqarasuaat 553335 aqqutigalugu.