Maniitsumi innuttaasunik ataatsimiisitsineq soqutigineqarluartoq

Naalakkersuisut Siulittaasuat Aleqa Hammond ulloq 20. februar 2014 Maniitsumi innuttaasunik ataatsimiititsimmat innuttaasunit 80-it tungaannut peqataaffigineqarpoq.

Ataatsimiisitsinermini Naalakkersuisut Siulittaasuata Naalakkersuisooqatigiinni suliniutissatut siunniussimasatik aammalu suliniutit aallartinneqareersimasut, kiisalu Inatsisartut 2014-imi upernaakkut ataatsimiinnissaanni Naalakkersuisut inatsisissaattut siunnersuutaat saqqummiuppai.

Saqqummeereernerup kingorna apeqqutit oqaaseqaatillu 20-t iluanni aammalu inuussutissarsiutitigut alloriarnissaq eqqartorneqartut apeqqutigineqartussallu pingaarnersaraat.

Maniitsumi innuttaasunik ataatsimiisitsineq najuuttunit ilaaffigineqarluartoq iluatsilluartutut naammassineqarpoq.

Naalakkersuisut Siulittaasuat Maniitsumiinnermini aamma illoqarfiup Katerisimaartarfiani utoqqaat peqatigiiffiata aaqqissugaanik ulloqeqqasioqatigiinnermi najuuppoq. Angerlarsimaffik Neriusaaq aamma pulaarneqarpoq, tassanilu sulisut najugaqartullu kaffillerlutillu erinarsorput, angerlarsimaffiullu ningiua pilersaarutiminnik kiisalu utoqqaat illuisa siunissami ineriartorfittut qanoq atorneqarsinnaaneri pillugit saqqummiussivoq.

Naalakkersuisut Siulittaasuatattaaq Maniitsumiinnerminut atatillugu Atuarfik Kilaaseeqqami atuartut IPAD-inik agguarneqarnerat najuuffigaa.

Annertunerusumik paasisaqarniaraanni attavigineqarsinnaavoq naalakkersuisumut allatsi Tina Davidsen, mobil 48 51 23.