Sap. ak. 18-imut aningaasaliissutinik qinnuteqarit

 

Sap. ak. 18-imut aningaasaliissutinik qinnuteqarsinnaanngorputit, oqariartuutillu arnat sap. ak. imertarfiit arfineq marluk sinnernagit-, angutit sap. ak. imertarfiit 14-it sinnernagit imigassartorsinnaanerat- nalliuttorsiornermullu atatillugu imigassartornermi imertarfiit sisamat sinnernagit imigassartorsinnaanermik siammartereqataasinnaassaatit.

Sap. ak. 18 tassaavoq, nuna tamakkerlugu imigassap, imigassamik atueriaatsip imigassartoriaatsillu sammineqartarfia. Sap. ak. 18-imi aaqqissuussinermut atugassanik Peqqissutsimut Naalakkersuioqarfiimmut februaarip 28- at nallertinnagu qinnuteqarsinnaavutit.

Sap. ak. 18-mi innuttaasut, atuarfiit, peqatigiiffiit, pinaveersaartitsinermi ataatsimiititaliat kommunillu, imigassartugassanut killiliussat-, imigassartornermut atatillugu ileqqut imigassartoriaaserlu qitiutillugit oqallinnissamut aaqqissuussinernik pilersaarusiorlutillu ingerlatseqqullugit kajumissaarneqartarput.

”Imigassamik aqunneqarnak-  imigassaq illit aquguk” qulequtsiullugu sap. ak. 18-imi aaqqissuussinermi ataatsimooqatigiittarneq aallavigineqarpoq, tamannalu aqqutigalugu imigassamik atuineq pillugu oqaloqatigiilluarsinnaanermut toqqammavissiiniartoqarluni. 

Nunatsinni pingaartumik aalakoorniutigalugu imigassartoriaaserput ajornartorsiutaavoq. Aalakoorniutigalugu imigassartorneq tassaavoq ataatsimoornermi imertarfiit sisamat sinnerlugit imerneq. Aalakoorniutigalugu imigassartorneq ajunaarnernut, nakuusernernut peqqisutsikkullu ajornartorsiuteqalernermut toqqaannartumik patsisaagajuttuuvoq.

Imigassaq pillugu oqallinneq pingaaruteqaqaaq, inuit ilagisartakkat akornanni imal. ass. suliffimmi imigassartorpallaarnerup kingunerisaasa oqaloqatigiissutiginissaat pitsaasuuvoq.

Sap. ak. 18 –imik qulequtserlugu imigassamik atornerluinermut tunngatillugu iliuuseqarneq, Imigassaq Ikiaroornartorlu pillugit Siunnersuisoqatigiit siunnersuutaannik pingasunik tunngaveqarpoq:

  • Meeqqat inuusutullu 18-it inorlugit ukiullit imigassartunngilluinnartariaqarput.
  • Naartuguit - naartulernissalluunniit pilersaarutigigukku imigassartoqinak.
  • Imigassartornermi imertarfiit tallimat sinninngisaannakkit.

Sap. ak. 18 pillugu paasissutissat sukumiinerusut qinnuteqaallu immersugassaq nittartakkami:

www.peqqik.gl  -imi pissarsiassaapput.

 

 

Paasissutissat sukumiinerusut peqqinnissaq pillugu siunnersorti Lisa Christiansen oqarasuaatikkut: 34 66 50 imal. e-mail-ikkut: lich@nanoq.gl attavigalugu pissarsiarineqarsinnaapput.