Kangaatsiami, Ilulissani Qasigiannguanilu qernertarniarneq ammarpoq

 

Aqutsiveqarfinnit Kangaatsiaq, Ilulissat aamma Qasigiannguit Aalisarnermut, Piniarnermut Nunalerinermullu Naalakkersuisoqarfik qilalukkanik qernertanik pisaqarsimanermut eqqortunik ullumi nalunaarfigineqarpoq.

Eqqortumik nalunaartoqarmat aqutsiveqarfinni pineqartuni qernertanik erngertumik piniartoqarsinnaanngorpoq.

Aqutsiveqarfiit Aasiaat, Uummannaq aamma Qeqertarsuaq pisaasimasunik eqqortunik maannamut suli nalunaanngimmata, tamaani suli qernertarniartoqassanngilaq.

Eqqortunik nalunaartoqariaqarpat piniarsinnaalerneq ilisimatitsissutigineqarumaarpoq.

Aalisarnermut, Piniarnermut Nunalerinermullu Naalakkersuisoqarfik tallimanngormat nalunaarpoq aqutsiveqarfinni Qeqertarsuup Tunuani Uummannamilu qilalukkat qernertat pisarinerinut atatillugu  nalunaarsorneqartarneri amigarpallaartaqimmata, qernertanik qilalugarniarneq unitsinneqartoq.

 

Attavissaq: Piniarnermut Naalakkersuisoqarfimmi allaffimmiu Peter Løvstrøm, tlf: 35342