Bruxellesimi ukiortaami ilasseqatigiissitsinerat

Nytårsreception Bruxelles

Naalakkersuisut siullermeerlutik Bruxellesimi ukiortaami ilasseqatigiissitsinerat

Naalakkersuisut Siulittaasuat, Aleqa Hammond, ullumi Bruxellesimi Naalakkersuisut siullermeerlutik ukiortaami ilasseqatigiissitsineranni 90-inik peqataaffigineqartumik qaaqqusisuuvoq.

Ukiortaami Ilasseqatigiinneq 2014 Naalakkersuisut Siulittaasuata Aleqa Hammondip oqalugiaataa 

Oqalugiaat tuluttut

Naalakkersuisut siullermeerlutik Bruxellesimi ukiortaami ilasseqatigiissitsipput, taamaasilluni ileqqoq nutaaq aallarnerneqarpoq. Ilasseqatigiinnermut qaaqqusat tamarmik EU-mi aalajangiisartuupput (siunnersuisoqatigiit, kommissioni aamma qinikkat), nunat EU-mut ilaasortat aallartitaat allallu Bruxellesimi EU-mi Kalaallit Nunaata suleqatigiinnerani sunniuteqartuttut. Naalakkersuisut Siulittaasuata saniatigut Ilinniartitaanermut, Ilageeqarnermut, Kultureqarnermut Naligiissitaanermullu Naalakkersuisoq Nick Nielsen peqataavoq.

Naalakkersuisut Siulittaasuata ilasseqatigiissitsineq aallarnerlugu Kalaallit Nunaanni maannakkut inissisimaneq aamma Kalaallit Nunaata EU-mut tunngatillugu kissaatai oqalugiaatigai. 2014-it Kalaallit Nunaata EU-mut attuumassuteqarneranut tunngatillugu pingaaruteqassaaq.

1. januar EU-p Nunat Nunallu Sineriallit (OLT-t), Kalaallit Nunaata peqataaffigisaasa, akornanni nutaamik suleqatigiinnissamut isumaqatigiissusiortoqarpoq.

2014-imi Kalaallit Nunaat EU-mik nutaamik suleqatigiinnissamut isumaqatigiissusiussaaq tamatumanilu EU aqqutigalugu diamantinik unioqqutitsilluni eqqussinissaq pinngitsoorniarlugu Kimberleyp periusaanut piginnaatitsissummik allagartanik atuilernissaq ilanngunneqassaaq.

Naalakkersuisut Siulittaasuata oqalugiaammini EU-mik suleqateqarnerup pingaaruteqassusaa erseqqissarpaa, suleqatigiinnerlu taanna nunarsuarmi nunat nunallu immikkoortui sineriallit peqatiginerisigut peqatigiinnissamik isumaqatigiissut taanna ammaassissaaq.

Naalakkersuisut Siulittaasuat isumaqarpoq, EU-mik suleqateqarneq maanna peqatigiinnissamut isumaqatigiissunik maanna atuuttunik taamaallaat imaqassasoq; ”Kalaallit Nunaat EU-mi pilersaarutinut annertunerusumik peqataanissani maannalu EU-mik suleqateqarnerup suli nukittunerulernissaanik sulissuteqarniarpoq.”

Oqalugiareernerup kingorna Nukâka Coster Waldau, Karina Møller aamma Aviaaja Lumholt nipilersorlutik aliikkusersuipput. Ilasseqatigiissiitsineq assorsuaq iluatsilluarpoq. Peqataasut 90-it missaanniipput, taakkununnga ilaapput silap pissusaanut kommissæri Connie Hedegaard aamma EU’p ineriartortitsinermut kommissæria Andris Piebalgs.

Ilasseqatigiinnermut atatillugu ineriartortitsinermut kommissæri Piebalgs, peqatigiinnissamut isumaqatigiissutip maannakkut Kalaallit Nunaannut isumaqatiginniutigineqaqqittumut akisussaasuusoq, ataatsimeeqatigineqarpoq.
Ataatsimiinnermi Naalakkersuisut Siulittaasuata erseqqissarpaa, EU-p Kalaallit Nunaanni ilinniartitaanermut tapiissutigisartagaasa attanneqaarnarnissaasa pingaaruteqarnerat.

Paasissutissat sukumiinerusut uunga saaffiginninnikkut pissarsiarineqarsinnaapput: Lida Skifte Lennert, oqarasuaat angallattagaq +32 499 99 9858.

Formand tale

Formanden og kommissær pieblags

reception formand nnielsenhedegaard