Pisortaq nutaaq

Namminersorlutik Oqartussat 1. februar 2014 aallarnerfigalugu Anne Goul Froberg Oqaatsinik Pikkorissarfimmi pisortatut atorfinitsippaat. Anne Goul Froberg 40-nik ukioqarpoq, Aarhus Universitetimilu tuluit oqaasiinik bacheloritut soraarummeersimavoq. Anne Goul Froberg takornariartitsinermi oqaatsinillu ilinniartitsinermi sammisaqarsimavoq. 2008-milli Anne Goul Froberg Oqaatsinik Pikkorissarfimmi oqaatsinik ilinniartitsisutut atorfeqarsimavoq, junimiillu 2013-imi pisortaagallarsimalluni.
Oqaatsinik Pikkorissarfiup oqaatsinik pikkorissaanerit pilersaarusiorlugillu piviusunngortittarpai. Oqaatsinik Pikkorissarfiup ingerlateqqittarpai tapertarlugillu nunani allani oqaatsinik pikkorissariarnerit. Oqaatsinik Pikkorissarfik aamma ilisimasanik eqiterivittut akisussaaffeqarpoq, inuit ataasiakkaat, pisortat atorfeqarfii suliffeqarfiillu siunnersortarlugit. Oqaatsinik Pikkorissarfiup aammattaaq Namminersorlutik Oqartussat Danmarkimi efterskolertunut tapiissutaat agguaattarpai.