Urani pillugu Australiamut isumassarsiorluni angalaneq

Piffissami januaarip 31-aniit februaarip 10-anut Naalakkersuisut aamma Inatsisartut Aatsitassanut Ataatsimiititaliaat uranimik avammut annissuinermut atatillugu unammilligassarpassuit qanoq iliuuseqarfigineqartarnersut isumassarsiorniarlutik Australiamut angalassapput. Aalajangersimasumik angalaqatigiit piffissami taaneqartumi pisortani ingerlatsiviit (Inuussutissarsiornermut, Avatangiisinut aamma Nunanut allanut ministereqarfiit) uranimut tunngatillugu allaffissornikkut aqutsinermik nakkutiginninnermillu suliaqartut, ujarassiornikkut ilisimatusarfik (Geoscience Australia), Avatangiisinut illersuinermik suliaqartut (Australien Conservation Foundation aamma Australian Radiation Protection and Nuclear Safety Agency) pulaassavaat. Tikeraarneq aamma aatsitassarsiorfimmi uranimik tunisassiorfiusumi angalaarunneqarnermik ilaqassaaq.

”Australia ukiorpassuarni uranimut tunngatillugu misilittagaqartuunera aallaavigalugu toqqarneqarpoq. Uranimut tunngatillugu periarfissaqarfitta nakkutiginninnikkut allaffissornikkullu aqutsinikkut nammineerluta qanoq inerisarsinnaanerlutigu sulianik ingerlatsileruttorpugut ”, oqarpoq Jens-Erik Kirkegaard, Inuussutissarsiornermut Aatsitassaqarnermullu Naalakkersuisoq, nangillunilu:

”Inuttut uanga nammineq Australiami aatsitassanik qinngornernik ulorianartunik akulinnik avammut annissuisinnaalerlutik peqatigisaanillu nunani tamalaani isumaqatigiissutinik naammassinnissinnaalerlutik qanoq periaatsimik pilersitsisoqarsimanersoq paasisaqarfiginissaa qilanaaraara.

Inuussutissarsiornermut Aatsitassaqarnermullu Naalakkersuisup erseqqissarpaa, Australia nunarpassuit attuumassuteqartunik paasissutissarsiorfigineqarsinnaasut ilagiinnarmassuk. Tassunga atatillugu ilisimatitsissutigineqarsinnaavoq 2010-imi taamanikkut Inuussutissarsiornermut Ataatsimiititaliaasoq peqatigalugu Canadamut angalasoqarmat, tassani Canadami uranimik avammut annissuinermut atatillugu qanoq nakkutiginnittoqarnersoq allaffissornikkullu aqutsisoqarnersoq paasissutissinneqarnissaq siunertarineqarluni.

Naalakkersuisut tungaanniit Inuussutissarsiornermut Aatsitassaqarnermullu Naalakkersuisoq Jens-Erik Kirkegaard, aamma Pinngortitamut Avatangiisinullu Naalakkersuisoq Kim Kielsen, peqataassapput. Inatsisartunit peqataassapput Doris Jakobsen, Gerhardt Petersen, Saxtorph Didriksen aamma Naaja Nathanielsen. Tamatuma saniatigut angalaqatigiit Naalakkersuisunit aamma Inatsisartunit