Assartuinermut akinik qaffaanissaq suli akuerineqanngilaq

Qulequtaq KNR-imi: ”Lynge: Assartuussinermut akit procentinik qulinik qaffaavigineqassapput” (21.1.2014) eqqunngilaq:

Atuaraanni inatsasisartunut ilaasortanut Knud Kristensen og Gerhardt Petersen-mullu 15. januarimi akissutiga, taava qulequtarineqartumut assigunngilaq oqarpoq Peqqissutsimut Attaveqarnermullu Naalakkersuisoq Steen Lynge.

Inatsisartunut ilasortanut marlunnut akissummi ersarippoq: ”Assartuinermut akit qaffanneqarnissaannik RAL-ip qinnuteqaataata suliarineqarnera suli naammassinngilaq. Taamaammat qinnuteqaat Naalakkersuisut inaarutaasumik isummerfiginikuunngilaat”

- Qulequtaasup atuartartunik eqqunngitsumik isumaqalersitsipput Naalakkersuisut akuerereersimagaat RAL-ip kissaataa assartuinermut akit 10%-inik qaffanneqassasut. Suli Naalakkersuisut aalajanginngillat qinnuteqaat akuerissanerlugu, Steen Lynge naggasiilluni oqarpoq.