Aalisarnermut nakkutilliisut arfinillit nutaat

Aalisarnermut nakkutilliisut

Kalaallit Nunaanni Aalisarsinnaanermut Akuersissutinik Nakkutilliisoqarfiup aalisarnermut nakkutilliisussatut ilinniarsimasut arfinillit ukiuni kingullerni pingasuni ilinniarnerminnut atatillugu atuagarsorlutik naammassinerat, ullumi tallimanngornermi januaarip 24-anni malunnartissavaa.

Aalisarnermut, Piniarnermut Nunalerinermullu Naalakkersuisoqarfik kalaallinik aalisarnermut nakkutilliisussanik aatsaavissuaq ilinniartitaqarpoq.

Danmarkimi nunatsinnilu ilinniagaqarsimapput. Ilinniarnerminnut atatillugu atuagarsorlutillu nakkutilliisutut angalaqataasarsimapput.

Aalisarnermut nakkutilliisunngorlaat Danmarkimi Natur Erhversstyrelsenip aalisarnermut nakkutilliisussatut ilinniarfiani ilinniagaqatitik allat ilagalugit Roskildemi januaarip 10-anni allagartartaarput.

Aalisarnermut nakkutilliisunngortut nunatta umiarsualiviini takussaalertussaapput, suliaminnut atatillugu umiarsuarnik aalisagartanillu nakkutilliisut takussaallualissallutik.

Aalisarnermut nakkutilliisut aalisariutini eqqiluisaarneq isumagisassaasa aamma ilagissavaat, pisat eqqilueqqissaarluni pineqartarnersut nakkutigissallugit, soorlu aamma aalisariutini aalisakkat pisarineqarsimasut inissiivii maleruaqqusat naapertorlugit inaalinneqartarnersut.

Aalisarnermut nakkutilliisunik ilinniartitsineq aalisarnermik ukiut 25-it matuma siorna nakkutillliisoqartitsilernerup nalerorpaa