Siunnersortitut nutaamik atorfinitsitsineq

Naalakkersuisunut ilaasortamut Karl Lyberth-imut siunnersortitut nutaamik atorfinitsitsineq

Ulloq januarip aappaat 2014 aallarnerfigalugu Naalakkersuisunut ilaasortap Karl Lyberth-ip, Tom Ostermann namminerminut siunnersortimisut atornifitsippaa. Tom Ostermann 46-nik ukioqarpoq polititullu ilinniagaqartuulluni. Inuussutissarsiuteqarnermini ilaatigut politiini aqutsisutut ilinniagaqarsimasuuvoq, Mittarfeqarfinni aqutsisussatut ilinniagaqartuusimalluni, Kalaallit Nunaanni Eqqartuussivimmi illersuisutut, Qaasuitsup Kommuniani inuussutissarsiornermi- aamma takornariartitsinermut siunnersortitut aamma Royal Greenlandimi aalisartunut aamma tuniniaanermi siunnersortitut atorfeqartuusimalluni. Tamatuma saniatigut ukiuni pingasuni Tom Ostermann namminersortutut misilittagaqarluni ingerlatsisuusimavoq.

Uannut siunnersortissatut Tom Ostermann atorfinitsissallugu toqqarniarakku piffissami sivisujaami eqqarsaatigilluarsimavara. Isumaqarpunga Tom tunniusimasuusoq aamma aallartisaallaqqissuseqartoq aamma ilusilersuillaqqissuseqarluni ingerlasinnaasoq aamma aaqqissuillaqqissuseqartuusoq tassungalu ilanngullu misigigama suliaminik suliarilluaasartuussutsi ersersikkaa aamma sullissillaqqissuunera minnerunngitsumillu angusaqarusussusermik anguniagaqartuunera aamma akisussaaffimminik ilisimaarinnilluartuunera. Tamatuma saniatigut Tom misilittagaqarpoq sinerissap qanittuani aalisarnermik ineriartortitseqqiinernut aamma aningaasalersuisinnaanernut tunngasutigut tassani inuttut namminerisamik siunnersorteqarfimmik ingerlatsisuusimanerminik misilittagaqartuummat. Piginnaasat taakkua tunngavigalugit kissaatigisimavara Tom Ostermann uannut siunnersortitut atorfinitsinnissaanut tunngavissaqarluarlunga, Aalisarnermut, Piniarnermut Nunalerinermullu Naalakkersuisoq Karl Lyberth oqarpoq.

Naalakkersuisunut ilaasortanut immikkut siunnersortinik atorfinitsitsisarneq aamma aningaasarsiaqartitsarneq pillugu kaajallaasitaq 1. januar 2014-imeersoq.