Isumaginninnermut ataatsimiititaliat pikkorissartinneqartut

Ilaqutariinnermut Inatsisinillu Atuutsitsinermut Naalakkersuisoq Martha Lund Olsen Nuuk –mi ulluni 29. 30. & 31. januar 2014 qaaqqusisimavoq Kommunalbestyrelsini Isumaginninnermut Ataatsimiititalianut  aammalu Isumaginnittoqarfinni aqutsisunut tamanut pikkorissartitsinissamut.

Pikkorissarnissap siunertaraa Isumaginninnermut Ataatsimiititalianut nutaanut siunissami isumaginninnerup iluani suliniutissat  ataatsimut eqqartorneqarnissaat.

Pikkorissarnissami eqqartorneqartussat ilagaat ullumikkut isumaginnitoqarfinni suleriaatsit, ilaqutariinnut aamma meeqqanut inuusuttunullu sullissineq, innarluutillit, utoqqalinersiutit, siusinaartumik sulisinnaajunnaarsimanermi tapisiat aammalu sivisuumik suliffeqarsimanngitsunut iliuuserineqarsinnaasunik eqqartuineq. Saniatigut aammattaaq inatsisinut tunngasut aamma saqqummiunneqassapput.

Pikkorissarneq ingerlanneqassaaq Hotel Hans Egede- mi ullut tamaasa nal. 09.00 – 16.00.