Ombudsmandip misissuinera pillugu

Naalakkersuisut Siulittaasuata Naalakkersuisoqarfiata Ombudsmandip misissuinera tusaatissatut tiguaa

Ulloq 24. september 2013 Inatsisartut Ombudsmandiata Naalakkersuisut Siulittaasuata Naalakkersuisoqarfia naalakkersuisoqarfiup eqqartuussissuserisup Niel Hansen Dammip sulisut pillugit suliat inatsisilerinermut pisortaasimasumut tusagassiutinullu ataqatigiissaarisuusimasumut tunngassuteqartut pillugit qulaajaanerata 21. august 2013-imeersup tamanut saqqummiunneqarneranut suna tunngavigineqarnersoq nassuiaqqullugu qinnuigaa. Naalakkersuisut Siulittaasuata Naalakkersuisoqarfia tamatuma saniatigut naalakkersuisoqarfik ilaatigut nipangiussisussaatitaanermut malittarisassat pillugit qanoq eqqarsaatersorsimanersoq nassuiaaqqullugu qinnuigineqarpoq.

Ulloq 15. november 2013, inatsisilerinermut pisortap nutaap atorfinereernerata kingorna, Naalakkersuisut Siulittaasuata Naalakkersuisoqarfiata nassuiaat taama ittoq Ombudsmandimut nassiuppaa.

Naalakkersuisut Siulittaasuata Naalakkersuisoqarfia nassuiaammi ilaatigut allappoq, nassuiaatip pisortatigoortumik saqqummiuneqarnera suliap ingerlasimanerata nalinginnaasumik siammasissumillu pisortatigoortumik ilisimatitsissutiginera inuit tamat tusagassiortullu suliap ingerlasimaneranik tunngaveqarluarluni naliliinissamut tunngavissaqalersikkaa.

Naalakkersuisut Siulittaasuata Naalakkersuisoqarfiata erseqqissarpaa, naalakkersuisoqarfiup pisortatigoortumik saqqummiussinnginnerup siorna nassuiaat inatsiseqarnermut pisortaasimasumut saqqummiussimasariaqaraluaraa, tassanilu ilisimatitsissutigalugu, naalakkersuisoqarfiup nassuiaat pisortatigoortumik saqqummiunnialersaaraa, tassanimi naalakkersuisoqarfiup inatsiseqarnerup pisortap nassuiaammut oqaaseqaateqarsinnaaneranik periarfissittariaqarsimagaluarmagu.  Tamatumani apeqqutaatinnagu, inatsiseqarnermut pisortaasimasoq qulaajaanermut peqataanissaminik kissaateqarsimanngitsoq piumasaqaatit inunnut allanut peqataasunut neqerooruteqartut tunngavigalugit.

Naalakkersuisut Siulittaasuata Naalakkersuisoqarfiata tamatuma pisimannginnera nassuiaammi ajuusaarutigaa.

Inatsisartut Ombudmandiata pisortatigoortumik saqqummiussineq pillugu misissuinini ulloq 27. december 2013 naammassivaa.

Ombudsmandi isumaqarpoq, pisortatigoortumik saqqummiussineq pisortat ingerlatsineranni nipangiussisussaatitaanermut nalinginnaasumik malittarisassanik unioqqutitsinerusinnaanngitsoq. Ombudsmandip ilutigitillugu maluginiarpaa, Naalakkersuisut Siulittaasuata Naalakkersuisoqarfiata nalunaarusiap pisortatigoortumik saqqummiunneqannginnera sioqqullugu inatsiseqarnikkut pisortaasimasumut naalakkersuisoqarfiup nalunaarusiamik pisortatigoortumik saqqummiutinnginnerani inatsiseqarnikkut pisortaasimasup qulaajaanermut oqaaseqaateqarnissaminut periarfissaqarneranik ilisimatinneqarsimannginnera, Naalakkersuisut Siulittaasuata Naalakkersuisoqarfiata ajuusaarutigisimagaa. Ombudsmandip aamma tamatuma pitsaasumik ingerlatsinermik tunngaveqarnermut atatillugu isumatusaarnertut iliuuserineqarsinnaasimanera nalilersimavaa.

Ombudsmandip tamatumunnga ilutigitillugu maluginiarsimavaa, eqqartuussissuserisut avataaneersut nassuiaataanni arlalinni inatsisitigut pisortaasimasoq pillugu ”isummersuutit ersarilluinnartut oqaatigineqarmata”. Ombudsmandi isumaqarpoq pisortatigoortumik saqqummiussineq,  ajuusaarnartuullunilu ingerlatsinermut ileqqunik unioqqutitsinerusoq. Tamanna Naalakkersuisut Siulittaasuata Naalakkersuisoqarfiata allanik oqaaseqaateqaqqigani tusaatissatut tiguaa.

 

Inussiarnersumik inuulluaqqusillunga

 

Svend Hardenberg

Pisortaaneq