Qitsuk toquinnarneqarpoq

Qitsuk issileruttorfiani pitunneqarsimasoq – qerussorpallaarsimanini pissutigalugu toquinnartariaqarsimavoq

Ilisimaneqanngilaq ajussuseq imaluunniit eqqarsarluarsinnannginneq pissutaanersoq, kisiannili qitsuarannguamut Qinngutsinni, Nuummi kisimiittunnguulluni tummeqqanut pitunneqarlunilu imminiigaq pissutaasoq apeqqutaatinnagu assigiimmik kinguneqarpoq. Nassaarinnittut nassaarigamikku qirussorsimaqaaq, taamaasillunilu annaanneqarsinnaasimanani, taamaasillunilu toqunneqartariaqarsimalluni.

Pisimasoq qulaani eqqaaneqartoq politiinut kalerriunneqarpoq. Taamatut qitsummik qimatsiinnarneq Uumasunik illersuinermut inatsimmik unioqqutitsineruvoq. Uumasut isumassuisumik passussisoqartassaaq aamma anniarnissamut aammalu anniartitaanissamut illersorneqartassallutik. Qitsuk uani eqqartorneqartoq inuit akisussaaffeqanngilluinnartumik iliuuseqarnerisigut  qularnanngitsumik assorsuaq anniarnermik misigisaqarsimassaaq.

Kikkut tamarmik uumasuutinnguatik iluamik paarinissaannut kajumissaaruteqassaagut. Aammalu eqqaamaqquqaarput meeqqamik uumasuutiminnik paarsilluarnissaat angajoqqaat akisussaaffigaat! Uumasuut pigiumajunnaarsimagaanni, illersorsinnaasumik iliuuseqartoqartariaqassaaq, soorlu kommunip qimmeqarnermut nakkutilliisuanut nalunaarutigalugu.

Nuummi uumasut pigineqanngitsut inuttaqanngitisut isumaqatigiissuteqarnikkut Uumasut Ikinngutaannut tunniunneqarsinnaapput.