Finn Karlsen Naalakkersuisuni ullumi ilaasortanngussaaq

Finn Karlsenip Aalisarnermut, Piniarnermut Nunalerinermullu oqartussaaffiit, Naalakkersuisuni ilaasortaasimasumit, Karl Lybertimit, akisussaaffigineqarsimasut, ullumimit oqartussaaffigilissavai.

Aalisarnermut, Piniarnermut Nunalerinermullu akisussaaffinnik Naalakkersuisoqarfimmi ullumi nalunaaqutaq 15.00 tunniussisoqassaaq. Illorsuarmi naalakkersuisoqarfimmi, quleriit arfineq aappassaanni tunniussisoqassalluni.

Tunniussinermi tusagassiorfiit malinnaanissaannut tikilluaqquneqarput.

Inatsisartut immikkut ullumi ataatsimiissapput, oqaluusineqartut qulequtaasa ilaat tassaalluni Naalakkersuisuni ilaasortassamik qinersineq.

Naalakkersuisut siulittaasuat Aleqa Hammond, Aalisarnermut, Piniarnermut Nunalerinermullu ullumimut Naalakkersuisuugallarpoq.

Finn Karlsen Naalakkersuisuni aatsaat ilaasortaalinngilaq, Aalisarnermut, Piniarnermut Nunalerinermullu 2005-mit 2009-mut Naalakkersuisuugami.