Aleqa Hammond Arctic Frontiersimi

Naalakkersuisut Siulittaasuat Arctic Frontiersip Tromsømi ataatsimeersuarnerani oqalugiartunut pingaarnernut ilaavoq

Naalakkersuisut Siulittaasuat Arctic Frontiersip Tromsømi Norgemiittumi ataatsimeersuarneranut atatillugu peqataanermini ataatsimeersuarnerup ulluata aappaani oqa-lugiarpoq.

Naalakkersuisut Siulittaasuata oqalugiarnerminut atatillugu Kalaallit Nunaata peqqissutsimut, avatangiisinut inuiaqatigiinnilu ineriartornerup aatsitassarsiornermi pilersaarutinut iliuuserisai qitiutippai.

Siulittaasup oqalugiaataa tusarnaartunit, ingammillu tusagassiortunit, oqalugiareernerup kingorna oqaloqatiginnikkusuttunit tigulluarneqarpoq.

Oqalugiaat uani atuarneqarsinnaavoq. 

Oqalugiaat aamma toqqaannartumik ataatsimeersuarnermiit ugguuna tusarnaarneqarsinnaallunilu isiginnaarneqarsinnaavoq:
http://www.arcticfrontiers.com/2014-conference/arctic-frontiers-live

Arctic Frontiersip ataatsimeersuarnera ukiut tamaasa Norgemiut naalakkersuisuinit ingerlanneqartarpoq. Ukioq manna ataatsimeersuarneq inunnit 1000-init nunanit assigiinngitsunit 25-it sinnerlugit peqataaffigineqarpoq.

Oqalugiartunut ilaapput Norgep Statsiministeria, Aalisarnermut Ministeria aamma Peqqissutsimut Ministeria kiisalu Islandip Finlandillu Nunanut Allanut Ministerii kiisalu Nordisk Rådip allattaanera.