Qeqqata Kommuniata isumasioqatigiissitsineranut peqataassaaq

Finn K 1

 

Aalisarnermut, Piniarnermut Nunalerinermullu Naalakkersuisoq, Finn Karlsen, Qeqqata Kommuniani aalisakkanik piniakkanillu tunitsiviit pillugit februaarip 4-anni aamma 5-anni isumasioqatigiinnermi peqataassaaq.

Finn Karlsen politikikkut anguniakkat pillugit ilaatigut saqqummiussissaaq.

Qeqqata Kommuniani aalisakkanik piniakkanillu tunitsiveqarniarnerat ukiuni arlalinngortuni ajornartorsiutaasarpoq pitsanngorsartariaqarlunilu. Inoqarfiit ilaanni tunitsiveqannginneq ajornartorsiutaasorujussuuvoq, taama Qeqqata Kommuniata isumasiuititsinissamut qaaqqusissutaani ilaatigut allassimasoqarpoq.

Isumasioqatigiinnermi kalaalimineerniarfinnut tunngasut aamma piniarnermi motorillit nunami atorneqartarneranut tunngasut eqqartorneqassapput.

Aalisarnermut, Piniarnermut Nunalerinermullu Naalakkersuisoqarfik atorfilittanit sisamanik peqataatitaqassaaq.

Isumaqasioqatigiinnissaq kommunimit aaqqissorneqarpoq.