Nunarput Savalimmiullu isumaqatigiissuteqartut

VQ og faeroerne

Nutaamik isumaqatigiissuteqarnikkut savalimmiormiut Kalaallit Nunaanni ani-ngaasaliissuteqarnissamut periarfissaqarluarnerulerput.

 

Aningaasaqarnermut Nunamullu Namminermut Naalakkersuisup Vittus Qujaukitsup (S) savalimmiunilu aningaasaqarnermut ministerip Jørgen Niclasenip, ulloq 8 januar 2014 Kalaallit Nunaata Savalimmiullu akornanni marloriaammik akileraannginnissaq pillugu isumaqatigiissut nutartigaq atsiorpaat.

 

Marloriaammik akileraannginnissaq pillugu Savalimmiunik isumaqatigiissummi allan-nguutit aningaasaqarnikkut Savalimmiunik suleqateqarnermut pitsanngorsaataassapput, tamatuma Kalaallit Nunaata nunanut tamanut attaveqarnera, Kalaallit Nunaata qa-ngaaniilli Danmarkimut attaveqarnerata saniatigut pitsanngorsaaffigissavaa.

 

Marloriaammik akileraannginnissaq pillugu isumaqatigiissummi allannguutit pingaarnerit tassaapput:

 

  • Avataani suliaqartarneq pillugu aalajangersagaq nutaaq

Kalaallit Nunaata Savalimmiullu akornanni marloriaammik akileraannginnissaq pillu-gu isumaqatigiissummi avataani suliaqartarnerup akileraaruserneqarnissaa pillugu maannamut aalajangersagaqarsimanngilaq. Marloriaammik akileraannginnissaq pillugu Kalaallit Nunaata Norgemik Danmarkimillu isumaqatigiissutaani avataani su-liaqartarnermut iluarsiissutit assiginik aalajangersagaq nutaaq imaqarpoq, taa-maalilluni savalimmiormiut avataani suliffeqarfiutaat norskit danskillu Kalaallit Nu-naanni suliffeqarfiutaasut qaffasitsigisumik unammillersinnaassuseqalissapput.

 

  • Iluanaarutisianit akileraarutit appartinneqarnerat

Danmarkimik ilassutitut isumaqatigiissummut 2008-mi atuutsinneqalertumut naaper-tuuttumik iluanaarutisianit akileraarutit allanngortinneqarput. Kalaallit Nunaanni ani-ngaasarsiat akileraaruteqaataasussat malillugit iluanaarutit ilanngaateqarsinnaajuar-tillugit savalimmiormiut suliffeqarfiutaasa inuilluunniit iluanaarutaat Kalaallit Nunaata 35 %-it angullugit akileraarusersinnaavai.

 

Allannguutit Savalimmiuni Lagtingimit akuersissutigineqarpata, ulloq 1. januar 2015 aal-larnerfigalugu atuutilissapput.