Nuummi appanniarnermik misissuineq

Appat Lomvier

 

Piniarnermik nakkutilliisup appaarniartarnermik misissuinera

Pinngortitaleriffiup appaqassutsimik misissuinerata kingulliup oktober 2013-imi saqqummiunneqartup takutippaa nunatsinni 1990-ip missaaniit maannamut appat appaqarfinni arlaqartuni annertuumik ikileriarsimasut, appaqarfiillu tallimat qimanneqarsimasut. Appat agguaqatigiissillugu 15 procentimik ikileriarsimasut appaqarfiit ilaanni 74 procent tikillugu ikileriarsimapput. Appaqarfinnit 19-iusunit 12-it ikileriarfiusimapput. Tamanna pissutigalugu appat ukiuni qulini eqqissisinneqarluinnarnissaannik imaluunniit piffissap piniarfiup 10. oktobarimiit 10. novembarimut sivikillineqarnissaanik, Qaanaarlu minillugu upernaakkut appanniartarnerup unitsivinneqarnissaanik biologit inatsipput. Appaqassutsimik misissuisimaneq kingunerisaanillu inuiqatigiinni oqallinneq tunngavigalugit Nuummi piniarnermut nakkutilliisoq Per Nukaaraq Hansen, Nuummi appattat kiisalu kalaalimineerniarfimmi tunineqartartut amerlassusaannik misissuisimavoq pisassallu sinnerneqartarsimanerat uppernarsillugu. Imassaniittut amerlasuut appanik pikkaluaanikkut ikilisaaqataanerat aamma paasisimavaa. Per Nukaaraq Hansen misissuisimaneranik nassuiaasipparput ilanngullugulu Nuummi KNAPP-ip siulittaasua Johannes Heilmann Piniarnermullu Naalakkersuisoqarfiup Allaffiani Pisortaq Amalie Jessen oqaaseqartippagut. Per Nukaaraq Hansen:

 

Nipaa tusaruk. 

 

Appattassat sinnerlugit pisaqartoqartarsimanera pillugu Nuummi Piniartut Aalisartullu Peqatigiiffianni siulittaasoq Johannes Heilmann oqarpoq:

 

Nipaa tusaruk.

 

Appanniarmut atorneqartartut imassat amerlasuuisa aqerluusut atorunnaarnerat taarsiullugulu sisaasunik amerlasuullit atulernerat appanik ilaatigut naalliutsitsinermik kinguneqartoq, Nuummi piniartut ilaata Jørgen Inuusuttup misilittagaqarfigaa:

 

Nipaa tusaruk. 

 

Piniarnermut Naalakkersuisoqarfimmi Allaffimmi Pisortaq Amalie Jessen, appanniartarnermut appanillu tuniniaasarnermut aalajangersakkat pisassallu sinnerneqartuaannassappata iliuuserineqarsinnaasut siunissamilu iliuusissat pillugit nassuiaavoq:

 

Nipaa tusaruk.

 

Appanniartarneq pillugu Nalunaarut.

 

Pinngortitalerffiup Nalunaarusiaa.

 

Appalerisut 2

Asseq: per Nukaaraq Hansen, Jørgen Inuusuttoq aamma Johannes Heilmann.