Uuliasiornermut aatsitassarsiornermullu periusissiaq tusarniaassutigineqarpoq

 

Uuliasiornermut Aatsitassarsiornermullu periusissiaq Naalakkersuisut tallimanngormat januarip 10-anniit tamanut tusarniaassutigilerpaat.  Februarip 7-ata tungaanut uuliasiornermut aatsitassarsiornermullu periusissiamik tusarniaasoqarnerani akissuteqarnissamut periarfissaqassaaq.

Nittartakkami www.naalakkersuisut.gl –imi tusarniaanerit ingerlasut akornanni periusissiaq aamma ilanngussat takuneqarsinnaapput.

Tusarniaanermilu akissutit uunga nassiunneqarsinnaapput isiin@nanoq.gl

Aatsitassarsiornermut uuliasiornermullu periusissiamut tunngasunik apeqqutissaqaraanni Inuussutissarsiornermut Aatsitassanullu Naalakkersuisumut Jens-Erik Kirkegaardimut saaffiginnittoqarsinnaavoq.

Avatangiisinut periusissiaq pillugu apeqqutissaqaraanni Avatangiisinut Pinngortitamullu Naalakkersuisoq Kim Kielsen saaffigineqarsinnaavoq.

 

Apeqqutissat pillugit attavissaq: Inuussutissarsiornermut Aatsitassanullu Naalakkersuisup allattaa Kirsten Enequist, email: kien@nanoq.gl, oqarasuaat: +299 34 56 04

Apeqqutissat pillugit attavissaq: Avatangiisinut pinngortitamullu Naalakkersuisup allattaa: Karen A. Motzfeldt, e-mail: karm@nanoq.gl, oqarasuaat: +299 34 64 58