Grønlandshavetimi misissuinissamut akuersissutisipput

Uuliasiornermik piginneqatigiiffiit pingasut Grønlandshavetimi misissuinissamut akuersissutisipput

Naalakkersuisut aalajangerput, uuliasiornermik piginneqatigiiffiit pingasut tunup avannaani Grønlandshavetimi sumiiffinni erseqqissumik killilersimasuni sisamani kisermaassillutik ikummatissamik misissuinissamut qaalluinissamullu akuersissutinik tunineqassasut:

  • Statoil, ConocoPhillips og NUNAOIL Grønlandshavetimi Blok 6imi (”Avinngaq”) kisermaassillutik ikummatissamik misissuinissamut qalluinissamullu akuersissummik tunineqarput.
  • ENI, BP, DONG og NUNAOIL Grønlandshavetimi Blok 8-mi (”Amaroq”) kisermaassillutik ikummatissamik misissuinissamut qalluinissamullu akuersissummik tunineqarput.
  • Chevron, GreenPex, Shell og NUNAOIL Grønlandshavetimi Blok 9-mi (”Umimmak”) kisermaassillutik ikummatissammik misissuinissamut qalluinissamullu akuersissummik tunineqarput.
  • Chevron, GreenPex, Shell og NUNAOIL Grønlandshavetimi Blok 14-imi (”Nerleq”) kisermaassillutik ikummatissamik misissuinissamut qalluinissamullu akuersissummik tunineqarput.

”Iluarisimaarlugu maluginiarpara, imartatsinni ikummatsisamik misissuinissaq nunarsuarmi uuliasiornermik piginneqatigiiffiit annerpaasa ilaannit kajungerineqarmat, uuliasiornermik piginnqeatigiiffiit taakku suliaminnut pikkorissuugamik, ikummatissamik niuerutigineqarsinnaasumik nassaaratarsinnaanerannik isumalluarneq annertunerulersippaat, Inuussutissarsiornermut Aatsitassanullu Naalakkersuisoq Jens-Erik Kirkegaard iluarisimaarinnilluni oqarpoq aammali naqissusiilluni ima nangippoq, ”Ikummatissamik misissuinissamut qalluinissamullu akuersissutini tunniunneqartuni tamani piumasaqaatit immikkut ittut qulakkeerneqaqqaartarput, imartamik aamma pisuussutinik uumassusilinnik qajassuussiniarluni.”

Makku piumasaqaatit tunngavigalugit akuersissutinik blokkinik tunniussisoqarpoq:

1) Suliffeqarfiup uuliasiornermi gassimillu misissuinermi misilittagai
2) Suliffeqarfiup aningaasaqarnikkut patajaassussaa
3) Suliffeqarfiup sillimaniarnikkut, peqqissutsimut avatangiisillu pillugit suleriaasaat aamma misissuinerminni pilersaarutaat.

Qulaani pineqartut neqerooruteqartitsinermit siullermeersuupput. Neqerooruteqaqqusinermut tullermut uuliasiorfiutileqatigiit soqutiginnittut tamarmik akuersissummik qinnuteqarnissaminnut periarfissaqarput, qinnuteqaatillu kingusinnerpaamik oktoberip 15-anni tunniunneqareersimassapput.

Annerusumik paasisaqarusukkaanni attavissaq:
Inuussutissarsiornermut, Aatsitassaqarnermut Suliffeqarnermullu Naalakkersuisoqarfimmi Paasissutissiisartoq, Oline Inuusuttoq Olsen, oqarasuaat: +299 34 56 56 e-mail: oiol@nanoq.gl