Isumaqatigiinniarneq

Kalaallit Nunaata Savalimmiullu akornanni 2014-mut aalisakkanik pisassiissutissat pillugit isumaqatigiinninniarneq

Aalisarnermut, Piniarnermut Nunalerinermullu Naalakkersuisoqarfik atorfilittatigoortumik Savalimmiormiunut ulluni 4. aamma 5. december 2013, 2014-mut aalisarsinnaatitaanissaq pillugu isumaqatiginninniarput. Isumaqatiginninniarneq Københavnimi pivoq.

2014-mut isumaqatigiissutit
Illuatungeriit Kalaallit Nunaanneersut Savalimmiormiut imartaanni aalisarsinnaanerat isumaqatigiissutigivaat taamatullu Savalimmiormiut Kalaallit Nunaata imartaanni aalisarsinnaanerat.

2014-mut isumaqatigiissutip kingunera ilutigalugu Kalaallit Nunaanneersut ammassassuarnik pisaqarsinnaanerat 2.050 tons-iniit 2.100 annertusineqarpoq. Saarullernat aalisarneqarsinnaasut qaffanneqarput 2014-mi Savalimmiut imartaanni 5.000 tons pisarineqarsinnaallutik, siorna 2.000 tons-it pisarineqarsinnaasimallutik. Kalaallit Nunaat suli ullut 60-it savalimmiormiut killeqarfianni aalisakkanik naqqasiortunik aalisarsinnaatitaavoq. Isumaqatigiissut malillugu Savalimmiormiut Kalaallit Nunaata imartaanni saarullittassaat 100 tons-inik qaffannneqarput tamatumalu saniatigut aalisarnissaat ukioq 2013-misut ingerlatiinnarneqassaq.

Aalisarnermik inuussutissarsiortut isumaqatiginninniarnermi peqataatinneqarput. Kalaallit umiarsuaatillit aamma inuussutissarsiornermik ingerlatsisut isumaqatigiinniarnerni peqataasut, Aalisarnermut Piniarnermut Nunalerinermullu Naalakkersuisoqarfik peqatigalugu nalilerpaat aappaagumut aalisagartassat pillugit isumaqatiginninniarnermi angusarineqartut naammaginartuusut.

NAFO 3L
Pisumut ilutigitillugu Savalimmiormiut Kalaallit Nunaatalu NAFO (Northwest Atlantic Fisheries Organization) 3L-imi Grand Banks-ip eqqaaniittumi kinguppattassanik agguaassinissaq pillugu isumaqatigiissusiorput. Savalimmiormiut Kalaallit Nunaat peqatigalugu nammineq pisassatik 2014-mi 445 tonsinut aalajangerpaat, imatullu agguataarneqarput Savalimmiormiunut 369 tonsit, Kalaallit Nunaannullu 76 tonsit.

Nuna Suuneri 2008 2009 2010 2011 2012 2013 2014

Savalimmiut
Kalaallit Nunaanni

 

 

Qalerallit Kitaata
avannaani
125 125 125 100 100 100 100
Suluppaakkat
ikerinnarsiortut
Kitaa/Tunu 1
Aalajanger-
sarneqan-
ngilaq
Aalajanger-
sarneqan-
ngilaq
Aalajanger-
sarneqan-
ngilaq
Aalajanger-
sarneqan-
ngilaq
Aalajanger-
sarneqan-
ngilaq
Aalajanger-
sarneqan-
ngilaq
Aalajanger-
sarneqan-
ngilaq
Saarulliit,
Misileraaneq Tunu 1
350 350 275 255 255 255 355
Saniatigut
pisarisuukkat,
misileraaneq Tunu2
275 275 275 275 275 275 275
Raajat,
misileraaneq Tunu
100 100 100 100 100 100 100
Kalaallit Nunaat
Savalimmiuni
Aalisakkat
naqqasiortut,
misileraaneq
350 Ullut
aalisarfiit
60-it
Ullut
aalisarfiit
60-it
Ullut
aalisarfiit
60-it
Ullut
aalisarfiit
60-it
Ullut
aalisarfiit
60-it
Ullut
aalisarfiit
60-it
Ammassassuit
Atlanto-skandisk
4.000 4.000 3.600 3.000 2.350 2.050 2.100
Saarullernarniarluni
aalisarfimmut
isersinnaaneq3
2.000 2.000 2.000 217 2.000 2.000 5.000

1 Illuatungeriit aalisarnikkut oqartussaaffigisaanni illugiilluni misileraalluni aalisarnissaq pillugu illuatungeriit isumaqatigiissutaanni, Tunumi saarullinnik, brosme-nik qeeqqanillu misileraalluni aalisarnissamut savalimmiormiut kisilisaataat aamma/imaluunniit ningittagarsuutaat katillugit annerpaamik pingasut akuerineqarput. Misileraalluni aalisarnermi tassani nataarnat qalerallillu saniatigut pisarisuukkat katillugit annerpaamik 275 tonsiussapput. Misileraallunilu aalisarnermi tassani saarulliit annertussusissaat 355 tonsinut killilerneqarlutik.
2 Takuuk oqaaseqaat 1.
3 NEAFC-imi Kalaallit Nunaannut saarullernanik pisassiissutinit 5.000 tonsit savalimmiormiut oqartussaaffiani maannakkut aalisarneqarsinnaalerput.