Avatangiisinik Pinngortitamillu Mianerinninneq pillugu Nersornaasiineq tulleq

Avatangiisinik Pinngortitamillu Mianerinninneq pillugu Nersornaasiisoqassaaq Qassiarsummi nunaqarfimmiunut ullumi 10. december 2013 nal. 13.00 Cafe Brattahlid-imi.

Nersornaat 25.000 kr.-inik aningaasartaqarpoq ataanilu allassimasoq tunngavigalugu tunniunneqarluni:

”Qassiarsummi pinngortitaq avatangiisillu paarilluarneqarput savaateqarneq, nunaateqarneq takornariaqarnerlu ingerlanneqaraluartut. Qassiarsummi nunaqqatigiit pinngortitap tunniussinnaasai malinnaaffigilluarpaat uumasut pinngortitarlu artukkerumanagit, taamaalillutik inuuniuteqarnertik paarilluarlugu.
Nunaqarfinnguaq tamanut tikikkuminartuuvoq najoruminartuullunilu, tamarmillu iluaqutissaannik nuannaarutissaannillu pinngortitaq saligaatsuutinneqarpoq. Qassiarsummilu nunaqqatigiit nunaqarfimminnik paarsilluarnertik tulluusimaarutissaraat nersorneqaatigalugulu.”

Inuit, suliffeqarfiit kattuffiilluunniit tamatsinnik pinngortitamik avatangiisimillu mianerin-ninnissatsinnik ilisimaarinnilersitsisut imaluunniit Kalaallit Nunaanni suliniuteqarnermikkut avatangiisitsinnik pitsanngorsaataasumik iliuuseqarsimasut nersorniarlugit nersornaat tunniunneqartarpoq.

Una 2013-imi nersornaatisisussat pingasuusut aapparaat. Nersornaatisisussaq kingulleq pillugu nalunaaruteqartoqarumaarpoq kingusinnerusukkut.