Atuaqatigiit Pujortartuunngitsut 2013-imi ajugaasut toqqarneqarput

“2013-imi Atuaqatigiit Pujortartuunngitsut” qulequtserlugu unammisitsinermi Nuummi Atu-arfik Samuel Kleinschmidt-imi 7.b ajugaapput.

Atuaqatigiit ajugaasutut toqqarneqarnermik saniatigut akissarsiassarititaq 30.000 kr.-iusoq aamma pissarsiarissavaat.

Unammisitsineq atuarfinni akullerniittunut tunngatinneqarpoq. Katillugit atuaqatigiik-kuutaat 17-it unammisitsinermut peqataarusullutik nalunaarsimapput, tamarmillu naammassinnillutik.

2013-imi Atuaqatigiit Pujortartuunngitsut pillugit unammisitsinermi pingaarnertut suli-assaatinneqarpoq atuaqatigiit iliuusissatut pilersaarusiussagaat atuaqatigiinni pujortar-talertoqannginnissaa qulakkeerniarlugu qanoq iliuuseqarsinnaanerlutik. Peqataanissamut piumasaqaataatinneqarput:

  • Atuaqatigiit pujortartarneq akiorniarlugu iliuusissatut pilersaarusiussasut.
  • Atuaqatigiinni peqqinnerulersitsisinnaasunik sammisaqarnermi siammarsaanermilu pingaartillugit qitiutinneqassapput atuartut namminneq pilersitsisinnaanerat peqatigiillutillu iliuuseqarsinnaanerat.
  • Atuaqatigiinni atuartut tamakkerlutik unammisitsinerup naanerani pujortartuunnginnissaat.

Atuarfik Samuel Kleinschmidt-imi 7.b-mi atuartut ajugaanerannut makku tunngavilersuutigineqarput:

  • Unammisitsineq naammassimmat klassimi atuartut tupatortartut tamarmik pujortarunnaarsimapput.
  • Atuarfimmi ulluinnarni pisartut piviusorsiortumik filmiliarineqarsimapput.
  • Pujortarunnaarnissamut pujortaqqinnginnissamullu atuartut ikioqatigiissinnaanerannik pitsaasunik isumassarsisitsipput.
  • Pujortannginnerup iluaqutitai pujortarnerullu ajoqutitai filmimi takutinneqarput.
  • Tamatuma saniatigut pujortannginneq pillugu tusaqqoornaqisumik erinarsuusiortoqarpoq/rap-iliortoqarpoq.