Nelson Rolihlahla Mandela 95-inik ukioqarluni toquvoq

Ullumi nunarsuatsinni politikerit pingaarnersaasa ilaat toquvoq.

Nelson Mandela kiffaanngissutsimut sorsuuteqartuuvoq qulakkeerumallugu Afrikap Kujataani eqqissineq naapertuilluarnerlu.

Nunat tamarmik nunasiaataasimasut Nelson Mandelap saammaasseqatigiinnissamik angusaqarumanera aammalu inuiattut alloriarnissamut isummersornikkut pissarsillisarsimapput.

Naalakkersuisut siulittaasuat Aleqa Hammond:
- Ullumi nunarsuarmioqatigut inummik pingaarutilissuarmik annaasaqarpugut tamannalu alianaqaaq.

Nelson Mandela inuutilluni tuuniussai, sapiissusaa, nukissaqartitsinera tamatsinnut tunniussaa qujassutigiumavara.

Nelson Mandelap inuutilluni naapertuilluarneq kiffaanngissuserlu nunarsuarmioqatigiinnut ilikkartippaa.

Inuit tamarmik naligiipput, inuit tamarmik naligiillutik inuupput naleqarlutillu inuillu tamarmik tunniussassaqarput.

 

Aleqa Hammond,
Naalakkersuisut Siulittaasuat