Kalaallit Nunaat Mines & Moneyimi nersorneqarpoq

Europami aatsitassarsiortunut aaqqissuussinerit annersaanni Mines and Money Conferencemi Londonimi sapaatip akunnerata siuliani ingerlanneqartumi “Mining Journal’s Outstanding Achievements Awards”-inik nersornaasiisoqarnerani, Kalaallit Nunaat ”Country award 2013”-imik nersoneqarpoq. Nersorinninnermi tunngavilersuutigineqartoq tassaavoq, the best country to do mining in 2013-2014, nuna aatsitassarsiorfigissallugu pitsaanerpaaq 2013-2014.

Nersornaammut “Country Award”imut innersuunneqartut aamma allat tassaapput, Mongolia, Azerbaijan aamma Australia. Kalaallit Nunaatalu toqqagaaneranut tunngavilersuutigineqartut ilaatigut makkuupput, aatsitassanut radioaktivenik qinngornilinnik attuilluinnanngeqqusinerup atorunnaarsinneqarnissaanut Inatsisartut aalajangernerat aamma Isukasiani savimminissamik suliniummut piiaanissamut akuersissummik tunniussisoqarnera.

“Nersornaaserneqarnerput nuannaarutigalugulu tulluusimaarutigaarput, taamatullu avataaniit nersorinninneq imatut takussutissaavoq, nunatta siunissami aatsitassarsiorfinngornissaanut politikkikkut suliniutivut iluarisimaarneqarlutik akuersaarneqartut”, Inuussutissarsiornermut Aatsitassanullu Naalakkersuisoq Jens-Erik Kirkegaard oqarpoq.

Londonimi nersornaasiiniarluni nalliuttorsiorpalaartumik aaqqissuussinermi Kalaallit Nunaata Sinniisoqarfiani Københavnimiittumi pisortaq, Tove Søvndal Gant, Namminersorlutik Oqartussat sinnerlugit nersornaammik tigusisuuvoq.