2013-imi qipoqqartassanik agguaasseqqinneq

Aalisarnermut, Piniarnermut Nunalerinermullu Naalakkersuisoqarfiup KNAPK aamma KANUKOKA isumasioreerlugit aalajangiivoq qipoqqaat pingasut pisassat 2013-imi sinneruttut agguaateqqinneqassasut.

Qaasuitsup Kommuneaniit qipoqqaat pisassiissutit marluk suli pisarineqarsimanngitsut imatut nuunneqarput:

-       1 Kommuneqarfik Sermersuumut Kitaani

-       1 Kommuneqarfik Kujallermut.

Qipoqqarniarneq aallarteqqissinnaavoq kommunet pineqartjut siusinnerpaamik ataasinngorneq 16. december agguaasseqqereerpat.

Qeqqata kommuneani qipoqqartassaq ataaseq kommunemi tigummiinnarneqassaaq, taamaattorli aqutsiveqarfik Maniitsoq aamma aqutsiveqarfik Sisimiut akornanni isumasioqatigiittoqareerpat iluminni agguaasseqqissinnaallutik.

Kitaanut 2013-imi qipoqqartassiissutit tamakkerlutik quliupput, taakkunanngalu 7-k pisarineqareerlutik. Angallatit qipoqqarniarnissamut teknikkikkut piumasaqaatinik nalunaarutini ataani taaneqartunik naammassinnissimasutut akuerineqarsimasut 31. decemberip tungaanut qipoqqarniarsinnapput.

§ 8, imm. 1 naapertorlugu APNN pisussaavoq ulloq 1. september pisassiissutit sinnerussinnaasut agguaasseqqissalluni, tamanna KNAPK aamma KANUKOKA tusarniareerlugu.

Pisaqarsinnaanermut piumasaqaatit (www.inatsisit.gl)

Arfernik angisuunik pisaqarneq ima ingerlanneqassaaq, takuuk:

  • Arfernik angisuunik illersuineq piniarnerlu pillugit Namminersorlutik Oqartussat nalunaarutaat nr. 4, 7. februar 2013-meersoq
  • Arfattat pissatallu nalunaarutigineqartarnerat pillugu Namminersorlutik Oqartussat nalunaarutaat nr. 12 16. juli 2010-meersoq.