Tunisassianik puisineersunik pilerisaarineq pillugu

 

"Nunatsinni puisinniartarnerup Danmarkimiit EU-miillu tapersersorneqarnissaa pillugu oqaluinnarani maanna iliuuseqartoqassaaq. Tassa naammaleqaaq"

Suliaq puisit amiinut tunngasoq pillugu WTO-mit inaarutaasumik aalajangeeqqammernermut malitsitut Aalisarnermut, Piniarnermut Nunalerinermullu Naalakkersuisoq Karl Lyberth tunisassianik puisineersunik pilerisaarineq pillugu tusagassiortunik katersortitsinermut peqataassaaq. Tusagassiortunik katersortitsineq Inuit Silamit, puisit amiinik puisinniartarnermillu Danmarkimi pilerisaarinermik ataqatigiissaarisuusumit aaqqissuunneqarpoq. Tusagassiortunik katersortitsineq 5. december 2013-imi nal. 14.00 Christiansborgimi Grønlandsværelsemi pissaaq.

Naalakkersuisup Karl Lyberthip pingaarnertut oqariartuutaa tassaassaaq Danmarkimit EU-miillu iliuuseqartoqarnissaanik piumasaqarnissaq. ”Tunisassianik puisineersunik pui-sillu amiinik tuniniaaneq EU-mi nunanilu allani EU-p avataaniittuni pitsanngorsimatinna-gu peqqussummi Inuit ilanngunneqannginnerannik oqaaserpassuit imaqanngillat. Taa-maattumik politikerit danskiusut Europamiullu, kiisalu aalajangiisartut kaammattorpakka tunisassianik puisineersunik Nunatsinneersunik pisisaqqullugit." Karl Lyberth oqarpoq.

Paasitsitsiniaanermut tunngasoq qupperneq

Aatsaat tunisassianik puisineersunik Atlantikup Avannarpasissuani puisinit millionilikkaarpassuarnit, piniartut ilaquttaminnut pilersuinissamut pisarisartagaanneersunit Kalaallit Nunaannilu puisit amiinik qitulisaavituaasumi Great Greenlandimi qitulisarneqartartunit tunisassianik pisiortornikkut piniarnermik inuussutissarsiuteqarneq Kalaallit Nunaannilu isorliunerusut ikiorserneqarsinnaapput.

”Tunisassiat issittup imartaani minguitsumi piniartumit pisarineqarnissamik tungaanut peqqinnartumik ajornaquteqanngitsumillu uumasuusunit puisineersut immikkuullaris-suupput. Kikkulluunniit aaqqatinik puisip amiinik mersugaasunik, Danmarkimi Europami-lu ukiuunerani isugutattuusumi oqorluartunik ajuusaaruteqaratik pisisinnaapput.”