Nannut pillugit

Nannut pillugit Naalakkersuinikkut ataatsimeersuarnissaq Moskva, Rusland

 

Nannut illersorneqarnissaannut aqunneqarnissaannullu isumaqatigiissut Oslo Konvention atsiorneraniit ukiut 40-nngortorsiornermut atatillugu ministerit oqartussaasut aammalu nunat nanoqarfiusut ataatsimeersuassapput Moskvami 4. december 2013. Naalak-kersuisunut ilaasortaq Karl Lyberth ataatsimeersuarnermi peqataassaaq.

Nannut taakkulu inuuffigisaata iluaqutigineqartarneranni illugiilluni aqutsineq pillugu isumaqatigiissut Danmarkimit/Nunatsinnit, Canada/Nunavut-mit, Norgemit, Ruslandimit aamma USA-mit 1976-imi maaji qaammat atsiorneqartoq Moskvami, Ruslandimi ataatsimiinnissami oqaluuserisassat ilagivaat, isumaqatigiissut atsiorneqartoq nunat atsiortut tamarmik 1978-imi aalajangersarpaat, 1981-imilu uppernarsaqqillugu. Nannut pillugit isumaqatigiissutip piviusunngortinneqarnissaanut akisussaaffik Kalaallit Nunaata 1985-mi akisussaaffigilerpaa.

Nannut nunat assigiinngitsut killeqarfii akimorlugit ingerlaartuarnerat pissutigalugu, nannut aqunneqarnerat ilisimatusarfigineqarnerallu pillugit nunat tamalaat suleqatigiinnissaat ataqatigiissaarisarnissaallu pisariaqartinneqarpoq. Ataatsimiinnissaq ukioq allortarlugu pisartoq sisamassaannik ingerlanneqartussaavoq.

Nunat Nanoqarfiit nalinginnaasumik ataatsimiinnerisa saniatigut ministerit ataatsimiissapput, tassani pingaarnertut siunertarineqarluni nannut pillugit ilisimatusarneq, aqutsineq illersuinerlu pillugit suli suleqatigiinnissamik nunanit atsioqataasunit kissaatigineqartup avammut nalunaaruteqarnikkut uppernarsaqqinneqarnissaa. Ministerit ataatsimiittariaqarnerannut, nannut taakkulu inuuffigisaata iluaqutigineqartarneranni aqutsineq pillugu isumaqatigiissutip atsiorneqarnerata ukiunik 40-inik nalliussitinneqarnissaa.

Isumaqatigiissutip ulluinnarni aqutsinermi atuutsilersinniarlugu ukiuni kingullerni 10-ni suliarineqarsimasut nalilersorneqarnerisa saniatigut, ukiuni 10-ni tulliuttuni nannunik iluaquteqarnermi illersuinermilu suleriarnissamut pilersaarut aallaavigalugu, isumaqatigiissutip atuutilersinniarnerani suut pingaarnersiorlugit suliniutigineqarnissaat nalunaarutigineqassapput.