Tusaarniaalluni ataatsimiisitsinerit iluatsilluartumik naammassineqarput

Narsami ataatsimiinneq

Kujataani Tanbreezip suliniutaa pillugu tusaarniaalluni ataatsimiisitsinerit iluatsilluartumik naammassineqarput

Naalakkersuisut Qaqortumi, Alluitsup Paani, Nanortalimmi aamma Narsami Tabreezip aatsitassanik qaqutigoortunik eudialytinik piianissamut suliniutaa pillugu tamanut ammasumik tusarniaallutik ataatsimiisitsineri amerlasuunit peqataaffigineqartarlutik naammassineqarput.

“Kujataani tusarniaalluta ataatsimiisitsisarnitsinni taama amerlatigisut peqataasarnerat nuannaarutigisorujussuuarput. Tanbreezip suliniutaa Kujataata siunissaanut annertuumik sunniuteqarsinnaavoq, suliffissanik nutaanik aamma inuussutissarsiornikkut periarfissanik nutaanik pilersitsisinnaalluni, Inuussutissarsiornermut Aatsitassanullu Naalakkersuisoq Jens-Erik Kirkegaard aamma Avatangiisinut Pinngortitamullu Naalakkersuisoq Kim Kielsen isumaqatigiillutik oqarput.

Tanbreezip suliniutaani atorfiit amerlanerpaat nunaqavissunit inuttalersorniarneqarput.

Narsami tamanut ammasumik ataatsimiisitsinermi immikkut soqutigisarineqarpoq aalisarneq aatsitassarsiorfimmit ajortumik sunnerneqannginnissaa. Jens-Erik Kirkegaardip aamma Kim Kielsenip erseqqissarpaat, aatsitassanik suliniuteqarnermi avatangiisinik illersuinissaq piumasaqaataasoq avaqqunneqarsinnaanngitsoq, aamma aalisarneq aatsitassarsiorfissamit ajortumik sunnerneqarnavianngitsoq avatangiisinik misissuinerit inernerigaat.

Killavaat Alannguanni aatsitassat uranimik qinngornernik naliginnarnit annertunerusumik akoqarnersut apeqqutigineqarput, suliffeqarfimmut attuumassuteqanngitsunit siunnersortinit erseqqissarneqarpoq aatsitassat piiaaneqartussat annertunerusumik radiop qinngornerinik akoqanngimmata.

Tamanut ammasumik tusarniaanermut akissuteqarnissamut periarfissaq decemberip ulluisa 2-nut killeqarpoq, akissutissallu uunga nassiunneqarsinnaapput: e-mail: bmp@nanoq.gl