Qinnuteqarsinnaaneq periarfissanngoqqippoq

Illunik sanaqataaffiusunik qinnuteqarsinnaaneq periarfissanngoqqippoq

Ineqarnermut Naalakkersuisoq Siverth K. Heilmann ilisimatitsivoq,

- 2014-imut Aningaasanut Inatsisip akuerineqarnerani illunut sanaqataaffiusunut, nammineerluni illuliassanik taaneqartarnik, Illorput-nik qinnuteqarsinnaaneq periarfissanngoqqippoq.

Nammineerluni illussamik sanasinnaaneq pingaaruteqartutut isumaqarfigaara. Piffissap ingerlanerani nammineerluni illuliat amerlasuut ilaqutariippassuarnut iluaqutaasumik nuannaarutaasumillu sananeqartarsimapput. Inuit tulluusimaartut namminneerlutik illussaminnik sanasarput, taamaalillutillu ilaquttaminnut angerlarsimaffimmik toqqissisimanartumik pilersitsisarlutik.

Ileqqoq taanna pitsaasoq eriagisariaqarparput.

Taamaattumik illunik sanaqataaffiusunik illuliornissamut soqutiginnittut kajumissaarumavakka A/S Inissiaatileqatigiiffik INI-mut, Namminersorlutik Oqartussat sinnerlugit aaqqissuussinermik aqutsisuusumut saaffiginneqqullugit.