Taamaatitsiinnarneq

Tusagassiuutinut qaaqqusissut - taamaatiinnarpoq

Rambøll Grønlandip ukiuni marlunni, 2013-ip naanerani naammassisussatut isumaqatigiissuteqarfigisaa suliffinnut mikisunut akunnattumillu angissusilinnut piginnaanngorsaanermik iliuuserisaq pillugu ataatsimeersuarneeqqamut tusagassiuutinut Inuussutissarsiornermut, Aatsitassaqarnermut Suliffeqarnermullu Naalakkersuisoqarfik qaaqqusipput.

Iliuuserisamut siunertaq tassaavoq suliniutinut angisuunut takkuttussanut pilersuisooqataanissamik najugaqarfinni suliffeqarfiit neriunaatillit amerlasuut sammisaqartilerniarnissaat.

2012-imi pikkorissartitsinerit sorliit pisariaqartinneqarnerinik Rambøll annertunerusumik misissueqqissaarivoq. Aatsitassarsiornermik ingerlatseqatigiiffiit piginnaasassanik piumasaasa, aammalu nunatsinni suliffeqarfinni piginnaasat sorliit pigineqarnerisa akornanni immikkoortukkuutaani arlalinni amigaateqartoqartoq misissueqqissaarinerup takutippaa.

Misissueqqissaarinerup inerniliissutai aallaavigalugit 2013-imi pikkorissartitsinerit arlallit, ukiaq manna illoqarfinni anginerusuni tamani ingerlanneqarsimasunik ineriartortitsisoqarpoq. Pikkorissartitsinerit amigaataasutut taaneqartup annikillisarniarlugu piffissamut ungasissumut periusissami aqqusaagassat siullersaraat.

Ataatsimeersuarneeqqami pisussat:
09:00 – 11:00: Rambøll’ip aamma Usisaatip aallarniutaat takutitsinerallu

11:00 – 12:30: Inuussutissarsiornermut Aatsitassaqarnermullu Naalakkersuisup aallarniutaa, kiisalu kingornatigut oqallinneq

12:30 – 13:30: Ullo’qeqqasiorneq

13:30 – 15:00: Inuussutissarsiutini ineriartortitsinermut siunissamut ilimagisassat pillugit Inuussutissarsiornermut, Aatsitassaqarnermut Suliffeqarnermullu Naalakkersuisoqarfiup aallarniutaa, kiisalu kingornatigut oqallinneq


Qaqugu: Sisamanngorneq 21. november
Sumi: Usisaat, Industri vej 2 (1. sal)
Aaqqissuisut: Inuussutissarsiornermut, Aatsitassaqarnermut Suliffeqarnermullu Naalakkersuisoqarfik aamma Rambøll Grønland A/S

Apeqqutissaqassagussi naalakkersuisoqarfimmi immikkoortoqarfimmi pisortaq Tina Jensen 345622.

Inuussutissarsiornermut, Aatsitassaqarnermut Suliffeqarnermullu Naalakkersuisoqarfik

sinnerlugit