Utoqqaat isumasioqatigiinnerat

Ilaqutariinnermut Inatsisinillu Atuutitsinermut Naalakkersuisoq utoqqaat isumasioqatigiisinneqarnissaannut qaaqqusivoq. Tamannalu ulluni 26.-28. november 2013, Nuummi Hotel Hans Egedemi ingerlanneqassaaq.

Isumasioqatigiinnerup siunertaraa utoqqaat peqatigalugit, siunissami utoqqaat amerliartornerannut inuiaqatigiit piareersarnissaat oqallisigissallugu.

Isumasioqatigiinnermut peqataassapput utoqqaat aamma ulluinnarni utoqqarnik sullissisut pisortaat, kommunini isumaginninnermut ataatsimiitsitaliani siulittaasut kiisalu KANUKOKA.

Isumasioqatigiinnermi ulluni pingasuni ingerlasussami qulequtarineqassapput utoqqalinersiuteqarneq, utoqqarnik sullissineq, utoqqaallu oqartussaaqataanerat.