Ilinniartut ajugaasut

Ilinniarnermik taamaatitsiinnaartarnermik akiuiniarnermut suliniutissatut siunnersuutit pillugit isumassarsianik unammisitsinermi ajugaasut toqqarneqarput

Ilinniarnermik taamaatitsiinnartartut ikilisinnissaannut suleqatigiissitaliap siulittaasuata, aqutsisoq Poul Jørgensenip, Naalakkersuisoq Nick Nielsen, sila pissutigalugu najuussinnaanngitsoq, sinnerlugu pingasunngorneq ulloq 20. november Teknikimik Ilinniarfimmit/Tech College Greenland Saviminilerinermut immikkoortortaqarfimmi ilinniartut akissarsiassat 10.000 kr.-t tunniuppai.

Isumassarsianik unammisitsineq sapaatit akunnerini 38-40 ingerlanneqarpoq, ajugaasullu ilinniarnermik taamaatitsiinnartartut ikilisinnissaannik ikilisitsinissamut suleqatigiissitaliamit ilinniarfinnit sisamanit ilinniartunillu ataasiakkaanit pingasunik siunnersuutinik 30-nik tigusaqartumit toqqarneqarput.
Teknikimik Ilinniarfimmi Saviminilerinermut Immikkoortortaqarfimmi ilinniartunit siunnersuutit ilinniarfiup ilinniartullu isumassarsianik unammisitsinermi suliaat tunngavigalugit toqqarneqarput.

Toqqaanermut tunngavilersuut imaappoq:

  • Isumassarsianik unammisitsinermi ilinniarfiup ilinniartut amerlasuut peqataatippai.
  • Ilinniarnermik taamaatitsiinnartarneq pinaveersimatinniarlugu ingerlatat amerlanerusut aallartinneqarnissaat siunnersuutini pineqarpoq.
  • Siunnersuutit arlallit ingerlaannaq piviusunngortinneqarsinnaapput.

Ilinniarnermik taamaatitsiinnartartut ikilisinniarlugit suliniutinut aningaasanik 2014-imi qinnuteqaateqarnissamik soqutiginninneq annertuvoq.

 

Qinnuteqarnissamik piffissarititap 1. november naanerani suliniutinut katillugit 33-nut suleqatigiissitaliaq tigusaqarpoq.
Suleqatigiissitaliap ilimagaa ataatsimiinnermi tullermi (29. nov.) qinnuteqaatit isummerfigineqassasut.