Ataatsimeersuarnermi oqalugiarneq

Ataatsimeersuarnermut ”Meeqqat inuusuttullu atugarliuuteqartut pillugit ilisimasat annertunerusut pitsaanerusullu” pillugu oqalugiaat

 

Ilaqutariinnermut Inatsisinullu Atuutitsinermut Naalakkersuisoq, Martha Lund Olsen ullumi pingasunngorneq 20. november 2013 Meeqqat Inuusuttullu atugarliuuteqartut pillugit ilisimasat annertunerusut pitsanerusullu pillugit ataatsimeersuartunut tikilluaqqusilluni oqalugiaateqarpoq.

 

Naalakkersuisoq Martha Lund Olsen tikilluaqqusinermini ilaatigut ima oqaaseqarpoq:

“Anguniakkatta angusinnaanissaanut meeqqat ilaqutariillu atugarliortut atugarissaarnerulernissamut pitsaasumillu aallarteriaqqinnissamut ikiorneqarnissaat pisariaqarpoq. Inuunermut takorluukkaminnut namminneerlutik akisussaaffeqalersinnaanissamut ikiorneqartariaqarput. Kisianni suliniuteqarnerput iluaqutaasoq nalunngikkutsigu aatsaat ikiorsiisinnaavugut.

Periarfissaq iluatsillugu Else Christensen Det Nationale Forskningscenter for velfærd-imiit ukiorpassuit nunatsinni socialeqarnermut tunngassuteqartut soqutigisaralugu ilisimasimatusarfigiuarsimammagit. Paasissavat ilisimatusaatigisimasatit annertuumik sunniuteqaateqarumaarmata siunissami sulinermut ineriartortitsinissamullu”.

Oqalugiaat uani atuaruk