Tusagassiortunik katersuutsitsineq

Naamminersorlutik Oqartussat ulloq unnuarlu angerlarsimaffiutaannut 100%-i aallavigalugu akiliuteqartitsisalernissamut isumaqatigiissummut atsioqatigiinnissaq

Sisamanngorneq 7. november nal. 11:30 Ilaqutariinnermut Inatsisinillu Atuutitsinermut Naalakkersuisoq Martha Lund Olsen aamma KANUKOKAp siulittaasua Martha Abelsen, Namminersorlutik Oqartussat ulloq unnuarlu angerlarsimaffiutaannut 100%-i aallaavigalugu akiliuteqartitsisalernissamut isumaqatigiissut atsiussavaat.

Suleqatigiinnissamut isumaqatigiissuteqarnermut siunertaavoq ulloq unnuarlu angerlarsimaffinnut tunngatillugu suullluunniit ersarissaavigineqarnissaat. Aningaasaliissuteqartarnerni ulloq manna tikillugu kommunit 50%-mik ataatsimoorussamik tapiissuteqartarsimapput aammalu aningaasartuutit toqqammavigalugit 50%-it aallaavigalugit aalajangersakkanik akiliuteqartarsimallutik. Piffissami sivisuummi kommunit kissaatigisarsimavaat tamatumani allannguuteqartitsisoqarnissaa, tassuunatigullu qulakkeerniarneqassasoq angerlarsimaffiit sapinngisamik tamakkiisumik atorneqartarnissaasa anguniarneqartuarnissaa, taamaasillunilu inissat pigineqartut atorluarneqarnissaat anguneqarsinnaaniassammat.

Atsioqatigiinneq Tusagassiortunik katersuutsitsisarfimmi pissaaq.