Ilulissani Start Up Greenland-imik aaqqissuussinermit tusarnaagassiaq

Aallarnisaarusuttunut aaqqissuussineq Start Up Greenland tassaavoq suliffeqarfissatut isumassarsiaqartut tamarmik peqataaffigisinnaasaat, tassani isumassarsiat piviusorsiortuunersut misilinneqartarput ingerlatsinermilu pilersaarusiortoqartarluni.

Ilulissani sissami aalisartunut akunnittarfimmik isumassarsiaq, tallimassaanik Start Up Greenlandimik oktoberip qiteqqunnerani aaqqissuussinermi isumassarsiatsialattut toqqarneqarpoq.

Greenland Business aaqqissuussisuupput Start Up Greenlandimillu aaqqissuussinissamik isumassarsisoq Lars Møller Kranker ingerlatsisuuvoq peqataasunullu siunnersortaalluni.

Illoqarfinni tallimani Start Up Greenlandertitsinerni ajugaasut Nuummi novemberip ulluisa 22.-anniit 24-at ilanngullugu naapisinneqaqqissapput aallarnisaasutullu isumassarsiullaqqinniuuteqqissallutik.

Paasissutissiisartoq Oline Inuusuttoq Olsen Ilulissani Start Up Greenlandimik aaqqissuussinermit tusarnaagassiamik suliaqarpoq. 

 

Julius Sandgreen, Mette Larsen aamma Mathias Davidsen, unammisitsinermi ajugaatinneqartut.