Halifaximi International Security Forumimi oqalugiarnissaq

Aleqa Hammond holder pressemøde

Naalakkersuisut Siulittaasuat Aleqa Hammond Halifaximi International Security Forumip ataatsimiinnerani oqalugiassaaq

22.-24. november Halifax International Security Forum Halifaximi, Canadami Nova Scotiami, Canadap illersornissamut ministeria Rob Nicholson qaaqqusisoralugu ataatsimiippoq.

Naalakkersuisut Siulittaasuat Aleqa Hammond ataatsimiinnerup ulluani kingullermi sapaammi ullaakkut oqalugiartut pingaarnerit ilagivaat.

Ataatsimeersuarnermi peqataasussatut inuit 300-t nunanit tamalaaneersut peqataapput, ataatsimeersuarnerlu nunanit assigiinngitsunit 50-init peqataaffigineqarpoq. Oqalugiartut ilagaat USA-p Danmarkillu illersornissamut ministerii kiisalu Islandip nunanut allanut ministeria.

Ataatsimiinneq ukiut tamaasa pisartoq apeqqutit nunarsuarmi illersornissamut tunngassuteqartut sammisarai, taakkununnga ilanngullugit apeqqutit Issittumut tunngassuteqartut. 

Arfininngorneq 23. november Issittoq pillugu oqallittoqarpoq sapaallu 24. november Naalakkersuisut Siulittaasuat nunatta nalunaaqutaa malillugu nal. 10:00 saqqummiussassaq pingaarneq nukissiuutinik isumalluutit kiisalu nunat tamat oqartussaqarnermik ingerlatsisut maanna siunissamilu nukissiutinik tunisassiortutut sunniuteqarfigisinnaasaat pillugit pingaarnertut saqqummiussassaq saqqummiutissavaat.

Halifax International Security Forumip ataatsimiinnera Naalakkersuisullu Siulittaasuata nukissiutinut isumalluutit pillugit saqqummiussaa uani toqqaannartumik malinnaaffigineqarsinnaapput: www.halifaxtheforum.org.