Isumaqatigiippugut

NGO-mi suleqatigiit nutaat (erniinnaq) pilersinneqartussanngortut Sermitsiaq.ag-imi atuarneqarsinnaavoq. Suleqatigiit tassaapput WWF, ICC aamma Transparency Greenland – aammalu naatsumik oqaatigalugu siunertaat tassaavoq: aatsitassarsiornermik suliniutinut atatillugu innuttaasunik pitsaanerusumik peqataatitsinissaq.

”Tapersiinnarsinnaavara. Aammalu NGO-mi suleqatigiilertussat kissaatigisaat iluarisimaarlugu maluginiarpakka. Tusarniaanerit inatsisini aalajangersagaalernissaat pillugu kissaataat NGO-nut, kattuffiit taaneqartut ilanngullugit, nalunaarutigereerpara. Taamaattumik Naalakkersuisut siunnersuutaannut isumaqataasut tusarlugu nuannerpoq”, oqarpoq nuannaarluni Jens-Erik Kirkegaard, inuussutissarsiornermut aatsitassaqarnermullu naalakkersuisoq, aammalu ilisimatitsissutigalugu innuttaasut suliap ingerlanerani qanoq siusinnerusukkut peqataatinneqalersinnaanersut naalakkersuisoqarfiup taamatuttaaq sulissutigigaa, nangillunilu:
”NGO-nik ataatsimeeqateqaqattaarnitta nangeqqinnissaannut qilanaarpunga, taamaalillutik siunissami innuttaasut qanoq peqataatinneqarnerat ingerlassanersoq aalajangersimasumik immersuisinnaassammata. Qularutiginngilluinnarpara iluatsilluarumaartoq”.

Inussiarnersumik inuulluaqqusillunga

Jens-Erik Kirkegaard,
Inuussutissarsiornermut Aatsitassaqarnermullu Naalakkersuisoq