Atuisinnaanermut akuersissuteqarneq

VQ Bygde seminar 140913

Atuisinnaanermut akuersissuteqarneq siumut ilorraap tungaanut alloriarneruvoq eqqortoq

- Nuannaarutissaavoq, atuisinnaaneq pillugu akuersissuteqarneq maanna qulakkeerneqarmat.

Saviminissamik piaanissamut suliniut ullumikkut qanilliallappoq siunissarlu ungasissoq isigalugu suliniut tamanna peqqissumik aatsitassarsiornermik ingerlatsinissamut aqqutissiuusseqataassaaq, Vittus Qujaukitsoq naliliivoq.

- Soorunami suliniut taamatut annertussusilik aningaasanut inatsisitsinnut sunniuteqassaaq. Annertunerusunik akileraarutitigut isertitaqarnerulissutigissavarput aammalu aatsitassanut aningaasaateqarfeqarpugut nunatsinni innuttaasunut iluaqutaasussamik. Kisianni tamatumani sulisussat piginnaasaasigut qaffassaanissaq inuussutissarsiortullu suliniummut peqataanissaannut tamatta akisussaaffeqarpugut. Suliniummi peqataanikkut nunaqavissullu piginnaasaasa qaffassarnerisigut pigissaarneq atugarissaarnerlu aatsaat kivissinnaavagut.

- Ullumikkut aatsitassarsiornermik pilersitsiniarluni suliniummi nunatsinnilu periarfissat tungaasigut alloriarujussuartoqarpoq. Kisianni aatsaat akuersissutit kingulliit tunniunneqareerpata ingerlatseqatigiiffillu sanaartornissamut aallarnisaatissanik aningaasaliissuteqareerpata, piiaaffissaq piviusunngortinneqassaaq. Naalakkersuisut neriupput, Aningaasanut Inatsisissatut Siunnersuutissanut aggersunut tamanna pisinnaasoq, tassani suliniutip sunniutai toqqaannartut toqqaannanngitsullu ilanngussinnaalissagatsigit.