Tusarniaanerit ataatsimiisitsinerillu

Killavaat Alannguanni Aatsitassarsiornermik suliniut pillugu tamanut ammasunik tusarniaasitsilluni ataatsimiisitsinerit

Inuussutissarsiornermut Aatsitassanullu Naalakkersuisoq Kommune Kujalleq peqatigalugu kujataani novembarip 17.-anniit 19.-at ilanngullugu tamanut ammasunik tusarniaasitsilluni ataatsimiinnernut qaaqqusivoq.

Suliniummut Avatangiisinut naliliissutaasumik, kiisalu suliniutip inuiaqatigiinnut tunngatillugu kingunerisassaanik naliliissutaasumik ataatsimiinnerni oqaluuserinnittoqassaaq. Taakku tunngavigalugit ingerlatseqatigiiffiup sinniisuinut, Pinngortitaleriffimmit DCE-millu pituttugaanatik avatangiisinik immikkut ilisimasalinnut kiisalu politikerinut peqataasunut itisileeqqusissutinik apeqquteqarnissamut periarfissaqassaaq.
Ataatsimiinnerit pillugit eqikkaalluni nalunaarusiortoqartassaaq. Taakku atuinissamik akuersissut pillugu aalajangiisoqartinnagu Naalakkersuisunut saqqummiunneqartussaapput tusarniaanermut atortuutinut ilanngunneqassallutik.

Tusarniaanermut saqqummiussat uani nassaarineqarsinnaapput: http://naalakkersuisut.gl/kl-GL/Tusarniaanerit/Tusarniaanerit-pereersut/2013/Tanbreez

Tusarniaanermut akissutit kingusinnerpaamik 2. december 2013-imi uunga nassiutissapput: BMP@nanoq.gl

Ataatsimiinnerit:
Sapaat 17. november nal 14.00 Qaqortumi Katersortarfimmi
Ataasinngorneq 18. november nal 10.00 Alluitsup Paani
Ataasinngorneq 18. november nal 19.30 Nanortalimmi Katersortarfimmi
Marlunngorneq 19. november nal 19.30 Narsami Katersortarfimmi