Kitaani tikaagulliit pisassiissutit sinnerinik tamanut pisassiineq

Ulloq 22. oktober 2013-imi Kitaani qamutilissorluni tikaagullittassat suli 37-it pisarineqanngillat aamma qoorortoorsortunut pisassiissutigineqartunit Kitaani tikaagulliit 25-it suli pisarineqanngillat. Pisassiissutit sinnerisa sapinngisamik amerlasuut pisarineqarnissaat qulakkeerniarlugu Aalisarnermut, Piniarnermut Nunalerinermullu Naalakkersuisoq aalajangiivoq pisassiissutinit sinneruttut 62-iusut kommuninut sisamaasunut tamanut paggatassiissutigineqassasut 25/10 2013.

Angallatit kiisalu ataatsimoorussamik tikaagullinniarnissamut teknikkikkut piumasaqaatinik nalunaarutini ataani taaneqartunik naammassinnissimasutut akuerineqarsimasut 1. aprilimiit 31. decemberimut tikaagullinniarsinnaapput.

Piniarneq naalakkamit siulersorneqassaaq akuersissummik pigisalimmik, pisaqarnerullu ingerlaannartumik najugarisami kommunerisamut nalunaarutiginissaanut akisussaasuusumittaaq.

Pisaqarsinnaanermut piumasaqaatit (www.inatsisit.gl)

Arfernik angisuunik piniarneq ima ingerlanneqassaaq, takuuk:

  • Arfernik angisuunik illersuineq piniarnerlu pillugit Namminersorlutik Oqartussat nalunaarutaat nr. 4, 7. februar 2013-imeersoq
  • Arfattat pissatallu nalunaarutigineqartarnerat pillugu Namminersorlutik Oqartussat nalunaarutaat nr. 12 16. juli 2010-meersoq.