Arfineq pingajussaannik nalunaarusiaq (CEDAW)

Arnanik immikkoortitsinerit suulluunniit tamarmik atorunnaarsinnissaat pillugu FN-ip isumaqatigiissutaa (CEDAW - Convention on the Elimination of Discrimination Against Women) pillugu arfineq pingajussaannik nalunaarusiaq Nunatta marsip qaammataani tunniuppaa. Nunatta nalunaarusiaa Naalagaaffeqatigiit nalunaarusiaata ilagaat, tassani naligiissitaanermut tunngasuni ingerlatat, kisitsisitigut paasissutissat, inatsisit il.il. saqqummiunneqarlutik. Naalagaaffeqatigiit inaarutaasumik nalunaarusiaat maanna CEDAW komiteemi suliarisassanngorlugu nassiunneqareerpoq.

CEDAW-mi isumaqatigiissut 1979-imi FN-imi isumaqatigiissutaavoq, siunertaavorlu arnanik immikkoortitsinerup akiorneqarnissaata qulakkeerneqarnissaa, ilaatigut arnat tunngaviusumik politikkikkut, isumaginninnikkut, kulturikkut aningaasarsiornikkullu tunngasutigut pisinnaatitaaffeqartinniarlugit.

Nunat isumaqatigiissummik akuersisimasut ukiut sisamakkaarlugit isumaqatigiissutip atulersinnera pillugu CEDAW-imi komité-mut nalunaarusiortassapput. Piffissakkaartumik nalunaarusiortarnerup saniatigut FN-ip arnanut komiteeata piffissalersukkani naliliisarnerannut Naalagaaffeqatigiit sinniisuutitaannut Namminersorlutik Oqartussat peqataasarput.

Nalunaarusiaq uani atuarneqarsinnaavoq.