Pisortaq nutaaq

Akileraartarnermut Aqutsisoqarfimmi Aqutsisoqarfiup pisortaa nutaaq

 

Atorfinitsitsisarnermut Ataatsimiititaliap isumaqatigiittup inassuteqarnera naapertorlugu 2013-imi novembarip aallaqqaataani atuutilersumik 41-nik ukiulik Kim Neumann Nielsen Akileraartarnermut Aqutsisoqarfimmi Aqutsisoqarfiup pisortaatut nutaatut Aningaasaqarnermut Nunamullu Namminermut Naalakkersuisoqarfimmit atorfinitsinneqarpoq.

2013-imili juunip qiteqqunneranili Kim Neumann Nielsen Akileraartarnermut Aqutsisoqarfimmi Aqutsisoqarfiup pisortarigallalerpaa Aqutsisoqarfimmi pisortap Morten Kahlkip siusippallaarujussuartumik toqunerata kingorna atorfik inuttaarummat.

Kim Neumann Nielsen, HA-mik ilinniagaqartoq, akileraaruserisarneq pillugu sivisuumik suliaqareersuuvoq misilittagaqarluarlunilu. Taanna SKAT Danmarkimi 1996-imili atorfinippoq, tassanilu atorfeqarnermini SKAT Danmarkimi akileraaruserisarneq pillugu ilinniartitsisarnermik aaqqissuussineq naammassillugu aamma pisortatut aqutsinermik ilinniarneq naammassillugu.

Kim Neumann Nielsen Nunatsinni akileraaruserinermik suliaqartussatut 2001-imi septembarip aallaqqaataani atorfinippoq, 2009-milu novembarip aallaqqaataaniit immikkoortortami pisortanngorluni.