Uummannami umiatsiaaraq atorlugu qaleralinniarneq unitsinneqarpoq

Fiskefartoej

 

Matumuuna nalunaarutigineqassaaq aqutsiveqarfimmi Uummannami sinerissap qanittuani umiatsiaaraq atorlugu qaleralinniarneq sisamanngorpat 4. oktoberi unitsinneqassammat, Uummannami umiatsiaaraq atorlugu qaleralinniarnermi pisassat tamakkerneqalermata.

Ulloq 4.oktober 2013 taamatut aamma umiatsiaaqqanut tunitsiviussaaq kingulleq.

 

Ilisimatitsissutigineqarsinnaavoq angallatinut miiterit arfinillit qaangerlugit angissusilinnut pisassiissutit sinneri imaammata:

Upernavimmi 2.309 tons

Uummannami 859 tons

Qeqertarsuup Tunuani 1.078 tons

 

 

Annertunerusumik paasisaqarusukkuit:

Pisortap tullia Niels J. Laursen

Kalaallit Nunaanni Aalisarsinnaannermut Akuersissutinik Nakkutilliisoqarfik / Grønlands Fiskerilicenskontrol

Tlf. nr. +299 34 50 00

E-mail: nijl@nanoq.gl