Eqqaasitsissut

Avatangiisinik Pinngortitamillu Mianerinninneq pillugu Akissarsiassaq 2013-imut innersuussuteqaqqusinermut eqqaasitsissut!

Kikkut Kalaallit Nunaanni avatangiisit pinngortitarlu pillugit immikkut iliuuseqartarpat?

Kikkut avatangiisit pinngortitarlu pillugit qaammarsaaqataappat?

Kikkut nunatsinnik eqqiluitsuutitseqataappat?

Avatangiisinik Pinngortitamillu Mianerinninneq pillugu 2013-imut akissarsisussanik siunnersuuteqarit.
2004-mi Naalakkersuisut aalajangiuppaat ukiut tamaasa Avatangiisinut Pinngortitamullu Mianerinninneq pillugu Akissarsititsisoqartassasoq.

Siullermik akissarsititsisoqarpoq 2007-imi, taassumalu kingorna ukiut tamaasa akissarsititsisoqartalerpoq.

Ukioq manna arfineq aappassaannik akissartitsisoqassaaq, aammalu siunertaq ataani allassimasoq naammassineqarsimappat kina akissarsitinneqassanersoq kikkulluunniit siunnersuuteqarsinnaapput:

Inunnut, sullissivinnut imaluunniit kattuffinnut malingassiuisutut aammalu pimoorussillutik aallussisunut pinngortitamut avatangiisinullu eqqumaariffiginninnermik kivitseqataasunut imaluunniit suliniuteqarnerminni Kalaallit Nunaanni avatangiisini pitsanngorsaanermik aalajangersimasumik iliuuseqartunut nersorinnissutitut akissarsiassaq tunniunneqassaaq.

Tassa imaappoq inuit ataasiakkaat, sullissiviit kattuffiilluunniit Kalaallit Nunaanni avatangiisinut pinngortitamullu tunngatillugu sunniuteqarluartumik iliuuseqartut imaluunniit avatangiisit pinngortitarlu pillugit eqqumaarinniffiginninnermik annertunerulersitsisut Namminersorlutik Oqartussanit akissarsitinneqarsinnaasut.

Ineqarnermut, Pinngortitamut Avatangiisinullu Naalakkersuisoqarfimmit kikkunnut tamanut kaammattuutigineqarpoq akissarsisussatut piukkussaminnik siunnersuummik 31. oktober 2013 nallertinnagu Naalakkersuisoqarfimmut inassuteqaqqullugit.

Inassuteqaat inassuteqaammut tunngavilersuutitaqartoq kiisalu inuit nassiussisut attaveqarfigineqarfissaat ilanngunneqarsimassallutik.

Inassuteqaat uunga nassiunneqassaaq:

Ineqarnermut, Pinngortitamut Avatangiisinullu Naalakkersuisoqarfik
Postboks 1614
3900 Nuuk

Email: ipan@nanoq.gl