Aatsitassanut suliassaqarfimmi nassuiaat

Aatsitassanut suliassaqarfimmi nassuiaat 2013 saqqummerpoq

Aatsitassanut suliassaqarfimmi nassuiaat 2013, nassuiaat inatsisit malillugit pisussaaffiusoq, maanna saqqummerpoq. Aatsitassanut suliniutinut maannakkorpiaq ingerlanneqartunut imaqarpoq aamma politikikkikkut allanngortitsinissamut siunnerfiit pillugit sammisaqarluni.

“Aatsitassanut suliassaqarfimmi nassuiaat 2013 naliliisinaanera naapertorlugu paasissutissarpassuarnik pitsaasunik imaqarpoq, taamaalillutik innuttaasut soqutigisaqaqatigiillu aatsitassatigut ikummatissanullu suliniutinut tunngasunik paasisaqarluarnissaminnut periarfissaqarput, nassuiaammi akuersaanngilluinnarnissamik politikkip atorunnaarsinneqarnissaanut siunnersuut aamma sammineqarpoq. Nassuiaammi aamma malittarisassani allannguutit siusinnerusukkut Naalakkersuisuusut 2010-mi akuerisaat allaaserineqarput, aatsitassaqarfinni qinngornernik uloriarnartunik nunami pinngortitamiittartumit annertunerusumik akoqartunut tunngatillugu avatangiisinut, isumannaallisaanermut peqqinnissamullu misissuinernik suliaqarnissamut akuersissuteqarfigineqarnissamik qinnuteqarnissamut periarfissiipput. Soorlu aamma siusinnerusukkut Naalakkersuisuusut Greenland Minerals and Energyp misissuinissamut akuersissutaata annertusineqarnissaat akueraat, taamaasilluni Greenland Minerals and Energyp uranimik misissuinissamut akuersissummik tunineqarpoq”, Inuussutissarsiornermut Aatsitassanullu Naalakkersuisoq, Jens-Erik Kirkegaard oqarpoq.

Aatsitassanut suliassaqarfimmi nassuiaat 2013 uani atuarneqarsinnaavoq.